ناسا نے انٹرنیشنل اسپیس اسٹیشن کے مستقبل کے متعلق اپنے ارادوں کے متعلق  بتا دیا۔

امریکی اسپیس ایجنسی کے مطابق 4 لاکھ 44 ہزار 615 کلو گرام وزنی بین الاقوامی خلائی اسٹیشن کو جنوری 2031 لو اسپیس کرافٹ کے قبرستان میں کریش کردیا جائے گا۔

تاہم، امریکی صدر بائیڈن اور نائب صدر ہیرس کے جانب سے کیے گئے عہد کے مطابق لیبارٹر2030 تک فعال رہے گی، لیکن اس کا طویل المدت مستقبل غیر پائیدار ہے۔

ناسا کے ایڈمنسٹریٹر بِل نیلسن کا کہنا تھا کہ 20 سال سے زیادہ عرصہ تک انٹرنیشنل خلائی ادارہ پُرامن بین الاقوامی سائنسی اشتراک کی مثال رہا ہے۔ لیکن اس مشن کے مقاصد اس دہائی کے آخر تک مکمل کر لیے جائیں گے۔

ناسا کو اسپیس سائنس میں اشتراک کے حوالے سے توقع ہے کہ وہ کمرشلی طور پر چلائے جانے والے اسپیس پلیٹ فارمز پر انحصار کرے گا۔

ناسا نے ایک رپورٹ بھی شائع کی ہے کہ وہ کیسے یہ تبدیلی لا رہا ہوگا، جس میں بین الاقوامی اسپیس اسٹیشن کو ہٹانے کاعمل شامل ہے۔

رپورٹ میں بتایا گیا کہ آئی ایس ایس ہمیشہ نہیں رہے  گا، ناسا کو توقع ہے کہ وہ بحفاظت 2030 تک آپریٹ کرے گا۔

بین الاقوامی اسپیس اسٹیشن کے آپریشن کی مدت 2030 تک بڑھانے کا مقصد امریکا میں پرائیوٹ انڈسٹری کو صلاحیات بڑھانے کے لیے وقت دینا ہے جن کی ضرورت مائیکروگریوِٹی پلیٹ فارم کو چلانے کے لیے پڑتی ہے۔