اینٹارکٹیکا میں سمندر کی برف کم ترین سطح تک پہنچ گئی۔

سیٹلائیٹس کے ڈیٹا کے مطابق اینٹارکٹیکا میں سمندری برف 40 سالوں میں کم ترین سطح پر پہنچ چکی ہے۔

40 سال قبل اینٹارکٹیکا کی کم ہوتی برف کے متعلق ریکاڑڈ جمع کرنا شروع کیا گیا تھا۔

نئی پیمائشوں سے معلوم ہوا ہے کہ مارچ میں 2017 میں بننے والا ریکارڈ یعنی 21 لاکھ مربع کلو میٹر اب مزید کم ہو کر 20 فروری کے مطابق 19 لاکھ 80 ہزار مربع کلومیٹر تک محدود ہو گیا ہے۔

مہم جوؤں کا کہنا ہے کہ صورتحال اس قدر تشویش ناک ہے کہ اب برف 1990 کی دہائی کی نسبت تین گُنا زیادہ تیزی سے کم ہو رہی ہے اور عالمی سطح سمندر میں اضافے کا سبب بن رہی ہے۔

یونیورسٹی آف کولوراڈو میں گلیشیئر کے ماہر ٹیڈ اسکیمبوسکا کہنا تھا کہ اینٹارکٹِک میں جو ہورہا ہے وہ انتہائی وقوع ہے۔

انہوں نے کہا کہ جو کچھ اینٹارکٹیکا میں ہو رہا ہے اس میں اور دنیا بھر میں عمومی گرم ہوتے موسم کے رجحان میں تعلق ہے۔ لیکن جو ہم پہاڑی گلیشیئروں میں اور آرکٹِک میں دیکھتے ہیں یہ اس سے مختلف ہے۔

سائنس دان سمندری برف اس علاقے کو قرار دیتے ہیں جہاں برف کی مقدار کم از کم 15 فی صد ہوتی ہے۔

اینٹارکٹیکا کی سمندری برف کی حد بہت متغیر ہے اس کے برعکس آرٹک میں سائنس دانوں کے مطابق موسمیاتی تغیر برف کے پگھلنے کے عمل کو تیز کر رہا ہے۔