ٹیکنالوجی کے میدان کی بڑی کمپنی ایپل نے روس کے یوکرین پر حملے کے نتیجے میں روس میں اپنی اشیاء کی فروخت روک دی۔
ایپل کی جانب سے یہ اعلان منگل کے روز کیا گیا۔
روس کی جانب سے اپنے پڑوسی ملک یوکرین پر حملے کی مذمت کرتے ہوئے مغربی حکومتوں، کھیل کی تنظیموں اور بڑی کمپنیوں نے عائد ہونے والی بین الاقوامی پابندیوں کے پیشِ نظر معاملات منقطع کر لیے ہیں۔
ایپل کی جانب سے جاری ہونے والے ایک بیان میں کہا گیا کہ کمپنی نے روس میں تمام اشیاء کی فروخت کو روک دیا ہے۔ گزشتہ ہفتے، کمپنی نے روس میں اپنی تمام برآمدات کو سیلز چینل میں روک دیا تھا۔
آئی فون ساز کمپنی نے یہ بھی اعلان کیا کہ ایپل پے اور دیگر سروسز کو محدود کر دیا گیا ہے، جبکہ روسی ریاستی میڈیا آر ٹی اور اسپٹنِک نیوز ایپس روس سے باہر ڈاؤن لوڈ کرنے کے لیے دستیاب نہیں ہوں گی۔
Advertisement
بیان میں مزید کہا گیا کہ کمپنی روس کے یوکرین پر کیے جانے والے حملے کے حوالے سے گہری تشویش میں مبتلا ہے اور ان تمام لوگوں کے ساتھ کھڑی ہے جو تشدد کے نتیجے میں مشکلات سے گزر رہے ہیں۔
بیان میں یہ بھی کہا گیا کہ کمپنی مہاجرین کے لیے پیدا ہونے والے بحران کے لیے امداد فراہم کر رہی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
