یورپی اسپیس ایجنسی کی گائیا خلائی مشاہدہ گاہ نے ناسا کی جیمز ویب اسپیس ٹیلی اسکوپ کی دلکش تصویر جاری کی ہے۔

دونوں دُوربینیں اس وقت لیگرینج پوائنٹ 2 میں اپنے مدار میں ہیں جو زمین سے تقریباً 15 لاکھ کلومیٹر کے فاصلے پر ہے۔

رواں سال 18 فروری کو گائیا نے، تقریباً 10 لاکھ کلو میٹر کے فاصلے کے باوجود، اپنی ساتھی دور بین کی ایک زبردست تصویر کھینچی تھی۔

یورپی خلائی ایجنسی کا کہنا تھا کہ 18 فروری 2022 کو دونوں اسپیس کرافٹ 10 لاکھ کلو میٹر کے فاصلے پر تھے۔

ادارے نے مزید کہا کہ محدود منعکس سورج کی روشنی گائیا تک آئی۔ لہٰذا جیمز ویب اسپیس ٹیلی اسکوپ گائیا کی دو ٹیلی اسکوپس میں بغیر کسی تفصیل کے ایک چھوٹے، دھندلے روشنی کے نقطے کے طور پر نظر آئی۔

10 ارب ڈالرز کی لاگت سے بنائی گئی اب تک سے سب طاقتور ترین ٹیلی اسکوپ رواں سال جنوری میں لیگرینج پوائنٹ 2 کے مقام پر اپنے تعین کردہ مدار میں پہنچی۔

یورپی اسپیس ایجنسی کے سائنس دانوں کو احساس ہوا کہ یہ خلائی ٹیلی اسکوپ وقتاً فوقتاً گائیا کی نظروں سے گزرتی رہے گی۔

جبکہ گائیا خلائی اشیاء کی حقیقی تصاویر لینے کے لیے نہیں بنائی گئی ہے۔ یہ اسپیس کرافٹ نقشہ سازی کرنے کے آلے سے بردار ہے جسکو فائنڈر اسکوپ کا جاتا ہے۔

یہ فائنڈر اسکوپ یر چھ گھنٹوں میں ایک تنگ 360 ڈگری کی پٹی کو چھانتا ہے، اور بتدریج پورے آسمان کی کچھ مہینوں کے دورانیے میں نقشہ سازی کر رہا ہے۔