زمین سے 444 نوری سال دور غبار، گیس اور برف کا ایک چھلّہ دریافت ہوا ہے جو اپنے اندر آرگینک مالیکیول رکھتا ہے، جو مستقبل میں کبھی زندگی کی تخلیق کا پیش خیمہ ہو سکتا ہے۔

ماہرینِ فلکیات کی جانب سے دریافت کیا جانے والا ڈائی میتھائیل ایتھر نامی یہ کیمیکل، زندگی کے لیے بنیادی اینٹ حیثیت رکھتا ہے، جو IRS 48 نامی ستارے کے گرد موجود تشکیل پاتے سیارے کی ڈسک کے اندر ہے۔

دی نیدرلینڈز میں قائم لائیڈن مشاہدہ گاہ کی ٹیم، جنہوں نےیہ شاندار دریافت کی، کے مطابق وقت کے ساتھ ڈائی میتھائیل ایتھر پری بائیوٹِکس بناتے ہیں جن میں امائینو ایسڈز اور شوگر شامل ہرتے ہیں، جو زمین پر زندگی کی بنیادیں ہیں۔

ٹیم کا کہنا تھا کہ ڈائی میتھائیل ایتھر نو ایٹمز سے بنا ہوتا ہے، جو اس کو سب سے بڑا پیچیدہ مالیکیول بناتا ہے جو اب تک تشکیل پاتے سیارے کی ڈسک کے اندر دریافت ہوا ہو۔

انہوں نے مزید کہا کہ تشکیل کے ابتدائی مرحلے میں ایسے کیمیکل کا ملنا اس بات کے امکانات کو بڑھا دیتا ہے کہ اس کائنات میں زندگی کہیں اور بھی ارتقاء پزیر ہوئی ہے۔

جنوبی امریکا کے ملک چلی میں قائم ALMA ریڈیو ٹیلی اسکوپ کا استعمال کرتے ہوئے محققین نے اس ستارے کے گرد اس ڈسک میں مختلف کیمیکلز کی علامات کی تلاش کی۔