ایک ناسا خلاء باز اور دو روسی خلاء باز اس ہفتے بین الاقوامی خلائی اسٹیشن سے واپس زمین پر پہنچیں گے۔

تینوں خلاء بازوں میں سے دو، امریکی مارک وینڈے ہئی اور روسی پیوٹر ڈُبروف، نے زمین کے گرد گھومتی مشاہدہ گاہ میں کُل 355 دن گزارے۔

دونوں خلاء باز گزشتہ برس 5 اپریل کو خلاء میں گئے تھے۔

اس طویل مشن کے دوران واینڈے ہئی نے امریکی خلاء باز کا ہی طویل انفرادی خلائی پرواز کا ریکارڈ بھی توڑا۔ گزشتہ ریکارڈ 340 دن تک قیام کا تھا۔

خلاء باز اینٹن شکیپلیروف کے ساتھ ان دونوں خلاء بازوں کو 30 مارچ بروز بدھ کو زمین پر واپس آنا ہے۔

شکیپلیروف گزشتہ برس 5 اکتوبر کو سویُوز MS-19 پر سوار ہو کر بین الاقوامی خلائی اسٹیشن گئے تھے۔

وینڈے ہئی، شیکپلیروف اور ڈُوبروف زمین پر واپسی کے لیے سویُوز اسپیس کرافٹ پر سوار ہونے سے قبل ریسویٹ موڈیول سے ان ڈاک ہوں گے۔

وینڈے ہئی اور ڈُوبروف نے اپنے 355 روز کے مشنز میں زمین کے گرد 5680 چکر لگائے جو 15 کروڑ میل سے زیادہ کا فاصلہ بنتا ہے۔

یہ وینڈے ہئی کی دوسری خلائی پرواز تھی۔ انہوں نے کُل ملا کر 523 گزارے ہیں۔

یہ ڈُوبروف کی پہلی پرواز تھی جبکہ شکیپلیروف کا یہ چوتھا مشن تھا اور کُل ملا کر انہوں نے خلاء میں 708 دن گزارے۔