ایک نئی تحقیق میں دعویٰ کیا گیا ہے کہ 2050 تک معیشت کو نقصان پہنچائے بغیر کاربن کے صفر اخراج کا ہدف حاصل کرنا ممکن ہے۔

یونیورسٹی کالج لندن کے سائنس دانوں نے متعدد صورتوں کے نمونے بنائے تاکہ یہ دیکھا جائے کہ کاربن اخراج کے حوالے سے یہ ہدف معیشت میں خلل ڈالے بغیر حاصل کرنا آیا ممکن ہے یا نہیں۔

گزشتہ تحقیق میں بتایا گیا تھا کہ 2050 تک صفر کاربن اخراج کا ہدف حاصل کرنا عالمی معیشت میں خلل کے بغیر ناممکن ہے۔

البتہ، برطانیہ اور فِن لینڈ دونوں ممالک نے یہ ثابت کیا کہ اخراج کو کم کرتے ہوئے معیشت کو بڑھایا جا سکتا ہے اور اس کا عملی مظاہرہ انہوں نے 2010 سے 2016 تک کیا۔

انہوں نے ایسا ماڈل بنایا جس کی ضرورت 2100 تک بجلی بنانے کا عمل مکمل طور پر کاربن سے پاک کرنے کی قابلِ تجدید ٹیکنالوجی کے لیے ہوگی اور انہوں نے 2010 میں استعمال کی گئی بجلی سے سات گُنا زیادہ بجلی، ٹرانسپورٹ میں استعمال ہونے والے ایندھن، گرمائش کے لیے اور صنعتی مقاصد کے متبادل کے لیے پیدا کی گئی۔

اس کے علاوہ انہوں نے ایسا ماڈل بھی تشکیل دیا جس میں عالمی سطح پر کوئلے کے استعمال کو کم کیا گیا۔

سائنس دانوں کے ماڈلز نے بتایا کہ معاشی نمو میں رکاوٹ کے بغیر صفر کاربن اخراج کا ہدف حاصل کرنا ممکن ہے جبکہ درجہ حرارت کے اضافے کو 1.5 ڈگری سیلسیئس تک روکا جاسکتا ہے۔