ناسا کو چاند پر بھیجنے کے لئے دوسرے لُونر لینڈر کی تلاشبول نیوز

ناسا کو چاند پر بھیجنے کے لئے دوسرے لُونر لینڈر کی تلاش

ویب ڈیسک

26th Mar, 2022. 08:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ناسا کو چاند پر بھیجنے کے لئے دوسرے لُونر لینڈر کی تلاش

امریکی خلائی ادارہ ناسا چاند پر بھیجنے کے لیے دوسرے لونر لینڈر کی تلاش میں ہے۔ ادارے کی جانب سے چاند پر طویل مدت تحقیق کے منصوبوں کو بڑھا دیا گیا ہے۔

ایجنسی کا کہنا تھا کہ وہ پہلی خاتون اور پہلے غیر سفید فام شخص کو چاند کی سطح پر اسپیس ایکس کے اسپیس کرافٹ میں بھیجے گی لیکن مستبل کے مشنز ایلون مسک کی فرم اور ان کے متبادل کے طور پر جو بھی لینڈر بنانے کا ٹھیکہ جیتے گا، میں تقسیم کیا جائے گا۔

جیف بیزوس کی بلیو اوریجن پہلے ہی اس بات کی تصدیق کرچکی ہے کہ وہ دوسرا لینڈر بنانے کی دوڑ میں حصہ لے گی۔ البتہ یہ بات واضح نہیں کہ ناسا اس چیز کو کیسے لے گا۔

اس سے قبل جیف بیزوس امریکی خلائی ادارے کو ایجنسی کے اکلوتے لینڈر کا ٹھیکہ اسپیس ایکس کو دینے کی وجہ سے عدالت میں گھسیٹ چکے ہیں اور شروع میں ہی ہار چکے ہیں۔

ناسا کا کہنا تھا کہ کوئی بھی نیا لینڈر لونر گیٹ وے اسپیس اسٹیشن کے ساتھ جڑنے کے، عملے کی تعداد بڑھانے اور چاند کی سرزمین تک سائنسی پے لوڈز لے جانے کے قابل ہوگا۔

عملے کے ساتھ پہلی لینڈنگ 2026 میں متوقع ہے جس میں خلاء باز اورین کیپسول میں اسٹار شپ ہیومن لینڈنگ سسٹم کے ساتھ جڑ کر چاند پر جائیں گے۔