چاہے وہ مسکراتا چہرہ ہو یا کوئی اور اسمائلی ہو، ہم میں سے اکثر مسلسل اپنے پیشہ ورانہ ای میلز میں ایموجیز شامل کرتے ہیں۔
لیکن ایک نئی تحقیق کے مطابق اگر آپ چاہتے ہیں کہ آپ کو دفتر میں سنجیدہ لیا جائے تو آپ کو ایمجیز ای میلز میں شامل کرنا بند کرنا ہوگا۔
اسرائیل کی تِل ابیب یونیورسٹی کے محققین نے انکشاف کیا ہے کہ وہ لوگ جو اپنی ای میلز میں تصاویر اور ایموجیز شامل کرتے ہیں وہ ان لوگوں کی نسبت کم طاقتور ہوتے ہیں جو الفاظ کا استعمال کرتے ہیں۔
محققین کا کہنا تھا کہ آج ہم سب تصاویر کے ساتھ بات چیت کرنے کے عادی ہیں اور سوشل نیٹ ورکس نے اس کو آسان اور لطف اندوز دونوں بنا دیا ہے۔
البتہ محققین کو حاصل ہونے والے نتائج نے اس کے متعلق سرخ جھنڈی لہرا دی ہے۔
Advertisement
کچھ صورتوں میں، بالخصوص کام پر یا کاروباری ماحول میں، یہ عادت مہنگی پڑ سکتی ہے کیوں کہ یہ کم طاقت کی جانب اشارہ کرتی ہے۔
محققین نے مزید کہا کہ ان کا مشور ہے کہ اپنی تنظیم کے لوگوں یا کسی اور تناظر میں جب آپ خود کو ایک طاقتور شخصیت کے طور پر پیش کرنا چاپتے ہوں تو تصویر یا ایموجی بھیجنے سے پہلے دو بار سوچیں۔
تحقیق میں محققین نے اس چیز کو سمجھنے کا آغاز کیا کہ آیا ای میلز میں تصاویر کا استعمال کام پر لوگوں کے تاثر کو متاثر کرتا ہے کہ نہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
