خلاء میں سات سال سے بھٹکتے راکٹ بوسٹر کی 4 مارچ کو چاند سے ٹکر متوقع ہے۔

قابو سے باہر راکٹ بوسٹر کی چاند سے ٹکر کے نتیجے میں ممکنہ طور پر چاند کی سطح پر 66 فٹ کا گڑھا ہو سکتا ہے۔

چاند سے ممکنہ طور پر ٹکرانے والے راکٹ کو پہلے اسپیس ایکس فیلکن 9 راکٹ قرار دیا گیا تھا۔

تاہم، اسپیس ایکس کی جانب سے یہ دعویٰ رد کردیا گیا تھا۔

جس کے بعد امریکا کی جانب اس خلاء میں بھٹکتے اس راکٹ بوسٹر کا ذمہ دار چین کو ٹھہرایا گیا تھا۔

جس کے جواب میں چینی وزارت خارجہ نے امریکی دعوے کو مسترد کر دیا تھا۔

فی الحال یہ معنی نہیں رکھتا کہ یہ کس کا ہے۔ جو چیز اہم ہے وہ یہ کہ راکٹ 9300 کلومیٹر کی رفتار سے چاند کے اس حصے میں گرے گا جہاں ٹیلی اسکوپ کی آنکھ اس کو دیکھ نہیں سکے گی۔

سائنس دانوں کا خیال ہے کہ راکٹ ٹکرانے کے نتیجیے میں 33 سے 60 فِٹ کا گڑھا بنے گا اور چاند کی مٹی سطح سے سیکڑوں میل دور تک اڑ کر پھیلے گی۔

لیکن ماہرین کا کہنا ہے کہ سیٹلائیٹ تصاویر کے ذریعے تصادم کی تصدیق کرنے میں ہفتوں یا مہیوں کا وقت لگ سکتا ہے۔

واضح رہے ناسا کا آربِٹر چاند سے ٹکرانے والے راکٹ کے نتیجے میں بننے والے گڑھے کو تلاش کرے گا۔

ناسا کے مطابق چاند پر ہونے والا یہ تصادم چاند کی اس جانب ہوگا جو زمین پر لگی ٹیلی اسکوپس کی رینج سے باہر ہے۔

لونر ریکنائسنز آربِٹر کے پاس یہ قابلیت ہے کہ وہ چاند کے دور کے حصے کا مشاہدہ کر سکے۔ لیکن ممکنہ تصادم کے وقت یہ اس منظر کے قریب نہیں ہوگا۔

تاہم، ان مشاہدوں پر مبنی ایک فالو اپ پر کام کیا جا رہا ہے۔