چینی ویب جائنٹ ٹین سینٹ نے وی چیٹ پے منٹ سسٹم استعمال کرنے والے چھوٹے اور درمیانے کاروباروں کے لیے ٹرانزیکشن فیس 10 فی صد تک کم کر دی۔

کمپنی کی جانب سے ٹرانزیکشن فیس میں کمی کا اعلان جمعرات کو کیا گیا۔

ٹین سینٹ کی جانب سے جاری کیے جانے والے اعلان میں کمپنی نے لکھا کہ یہ قدم حکومت کی طرف سے آپریشنل اخراجات کو چھوٹے اور درمیانے کاروباروں کے لیے کم کرنے کا کہنے پر اٹھایا گیا ہے۔

اعلان کے مطابق فیس کی کمی کا اطلاق ان تمام کمپنیوں پر ہوگا جن کو چین کی وزارتِ صنعت اور انفارمیشن ٹیکنالوجی نے بطور ایس ایم ای کے شمار کیا ہوا ہے۔

ریگولیٹرز سے منظور شدہ انفرادی تاجر بھی اس سے فائدہ اٹھائیں گے۔

ٹین سینٹ کی جانب سے یہ فیصلہ چین کی سب سے بڑی انٹرنیٹ کارپوریشن کی طرف سے فیس میں کمی کے بعد سے سامنے آیا ہے۔

عالمی وباء سے متاثرہ تاجروں کی مدد اور ملک کی معیشت کی بحالی کے لیے چین کے ریاستی منصوبہ ساز، قومی ڈیویلپمنٹ اور ریفارم کمیشن نے دو ہفتے قبل نئی ہدایات جاری کی تھیں، جن میں فوڈ-یلیوری پلیٹ فارم کو فیس کم کرنے کے ساتھ ریسٹورانٹس کو آپریشنل اخراجات کم کرنے کا کہا گیا تھا۔

چینی ای کامرس جائنٹ علی بابا کے تحت چلنے والا فوڈ-ڈیلیوری پلیٹ فارم Ele.me نے بدھ کے روز کہا تھا کہ وہ کمیشن فیس کی مد میں لیے جانے والے 2 کروڑ یوان واپس کرے گا۔

رقم کی یہ واپسی 87 کاؤنٹیوں کے ریسٹورانٹ کے اکاؤنٹس اور جنوری اور فروری میں عالمی وباء سے سب سے زیادہ متاثر ہونے والے اضلاع میں کی جائے گی۔