اسپیس ایکس فیلکن 9 راکٹ 12ویں بار خلاء میں جا کر ایک بار پھر کامیابی سے واپس زمین پر آگیا۔

دو اسٹیج والا فیلکن 9 ہفتے کے روز گرینج معیارِ وقت کے مطابق 4 بج کر 42 منٹ پر فلوریڈا کے کیپ کیناورل اسپیس فورس اسٹیشن سے 53 اسپیس ایکس ککے اسٹار لنک سیٹلائیٹس زمین کے نچلے مدار میں تعین کرنے کے لیے لے کر اڑا۔

فیلکن 9 کی پہلی اسٹیج کی یہ 12 ویں لانچ تھی جس نے اسپیس ایکس راکٹ کے دوبارہ استعمال کا نیا ریکارڈ قائم کیا۔

اس سے قبل یہ بوسٹر کینیڈین اسپیس ایجنسی کے RADARSAT جھرمٹ کے مشن کے لیے جون 2019 میں خلاء میں لے کر گیا تھا۔ اس کے علاوہ اسپیس ایکس کی پہلی عملے کے ساتھ فلائٹ، مئی 2020 میں بین الاقوامی خلائی اسٹیشن تک Demo-3 مشن اور آٹھ دیگر اسٹارلنک مشنز لے کر خلاء میں گیا ہے۔

فرسٹ اسٹیج نے پرواز کے نو منٹ بعد بحر اوقیانوس میں تعین ایک ڈرون شپ پر

جبکہ سیکنڈ اسٹیج نے 53 اسٹارلنک اسپیس کرافٹس کو ان کے متعین مدار تک لے جانے کے لیے سفر جاری رکھا۔

ان سیٹلائیٹس کو لانچ ہونے کے آدھے گھنٹے بعد ان کے مدار میں تعین کیا گیا۔

آسٹروفزسٹ اور سیٹلائیٹ ٹریکر جونتھن مک ڈوول کے مطابق آج کے مشن سے قبل اسپیس ایکس نے 2282 اسٹار لنک سیٹلائٹس لانچ کیے تھے جن میں سے 2033 فی الوقت فعال ہیں۔