مشتری کے چاند کے سمندر میں زمین کے سمندر کے برابر آکسیجن کا انکشافبول نیوز

مشتری کے چاند کے سمندر میں زمین کے سمندر کے برابر آکسیجن کا انکشاف

مہدی قاضی

27th Mar, 2022. 01:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشتری کے چاند کے سمندر میں زمین کے سمندر کے برابر آکسیجن کا انکشاف

ایک نئی تحقیق میں معلوم ہوا ہے کہ مشتری کے چاند یورپا کے برف کے خول میں موجود نمکین پانی ممکنہ طور پر برف سے ڈھکے مائع مانی کے سمندر میں آکسیجن کی آمد و رفت کرسکتا ہے۔

محققین کا خیال ہے کہ چاند کی ناسازگار سرزمین کے اندر ایسا ہونا زندگی کو کی بقاء کے لیے سازگار ہوسکتا ہے۔

ان کا ماننا ہے کہ یورپا کے سمندر میں موجود آکسیجن کی مقدار ممکنہ طور پر اتنی ہی ہوسکتی ہے جتنی مقدار اس کی آج زمین کے سمندر میں ہے۔

یہ تھیوری پہلے پیش کی جاچکی ہے لیکن امریکی ریاست ٹیکسز کے شہر آسٹن میں قائم یونیورسٹی آف ٹیکسزکے ماہرین نے دنیا کی پہلی طبعیات پر مبنی اس عمل کی کمپیوٹر سِمیولیشن آزمائش کے لیے بنائی۔

یوٹی جیکسن اسکول آف جیو سائنسز کے شعبہ ارضیاتی سائنسز سے تعلق رکھنے والے تحقیق کے سربراہ محقق مارک ہیسی کاکہنا تھا کہ ان کی ریسرچ نے اس عمل کو ممکنات کی دنیا میں ڈال دیا ہے۔

انہوں نے کہا کہ یہ ہمیں ایک یورپا کے سمندر کے اندر کی سطح میں زندگی کی افزائش کے حوالے سے مسئلے کا ایک حل فراہم کرتا ہے۔