روس کی جانب سے یوکرین پر حملہ کرنے کے بعد یورپی اسپیس ایجنسی نے روس کے ساتھ اپنے آئندہ ایگزو مارس مشن پر کام معطل کر دیا تھا۔
یورپی خلائی ایجنسی کو اس سال کے آخر تک ایک روور فراہم کرنا تھا جس کو روسی راکٹ پر مریخ پر بھیجا جانا تھا۔
روس کے خلائی ادارے کے سربراہ ڈِمیٹری روگوزِن کا کہنا تھا کہ ہاں روس کو کچھ سال لگیں گے لیکن سائنس دان اپنے لینڈنگ موڈیول کی نقل کر لیں گے، جس میں انگارا لانچ وہیکل ہوگا اور ادارہ یہ تحقیقی مشن اپنی نئی لانچ سائٹ ووسٹوکنی کوسموڈروم سے آزادانہ کرے گا۔
واضح رہے اینگارا راکٹ 1990 کی دہائی کے ابتداء سے تکمیلی مراحل میں ہے اور مسلسل تاخیر اور فنڈنگ میں کمی کا شکار ہے۔
اینگارا کا حالیہ ٹیسٹ راکٹ پرسی کے اَپر اسٹیج میں خرابی کے باعث ناکام ہوا تھا۔
Advertisement
ووسٹوکنی کوسموڈروم روس کے دور مشرق میں واقع ہے اور اس کو بیکنور میں قائم موجودہ کوسموڈروم کی جگہ لینی ہے، جس کو روس نے قازقستان کی حکومت سے لِیز پر لیا ہوا ہے۔
یہ ناسا کے پاس ایک بہترین موقع ہے کہ قدم بڑھائے اور ایگزو مارس مشن کو تکمیل تک پہنچانے کے لیے اپنی خدمات پیش کرے۔
جبکہ یورپی خلائی ادارہ ممکنہ طور پر ایریانے 6 راکٹ کو استعمال کرنا چاہتا ہو۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
