مشتری کے چاند کا مطالعہ کرنے والے اسپیس کرافٹ پر کام شروعبول نیوز

مشتری کے چاند کا مطالعہ کرنے والے اسپیس کرافٹ پر کام شروع

ویب ڈیسک

05th Mar, 2022. 07:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشتری کے چاند کا مطالعہ کرنے والے اسپیس کرافٹ پر کام شروع

ناسا نے مشتری کے برفیلے چاند کے مطالعے کے لیے ایس یو وی کے سائز کے یورپا کلِپر اسپیس کرافٹ کو بنانا شروع کردیا۔ یہ اسپیس کرافٹ اکتوبر 2024 میں لانچ کیا جائے گا۔

امریکی خلائی ایجنسی نے اعلان کیا ہے کہ کلِپر کو جنوبی کیلیفورنیا میں موجود جیٹ پروپلژن لیبارٹری میں جوڑا جا رہا ہے۔

کلِپر مشن کا مقصد مشتری کے چوتھے بڑے چاند یورپا میں زندگی کے لیے سازگار ماحول کے متعلق معلوم کرنا ہے۔

برفیلہ اور زیر سطح سمندر رکھنے والا مشتری کے اس چاند، یورپا، کا قطر 1940 میل کا ہے جو زمین کے چاند کے قطر کا 90 فی صد ہے۔

یورپا نظامِ شمسی میں ان چند جگہوں میں سے ہے جس میں پانی موجود ہے، جس کی وجہ سے یہ ناسا کی دلچسپی کا مرکز بنتا جا رہا ہے۔ ان جگہوں میں زمین اور زحل کا چاند اینکلیڈس شامل ہیں۔

ایک بیان میں ناسا کا کہنا تھا کہ ناسا کا یورپا کلِپر جب مکمل طور پر جوڑ لیا جائے گا تو اس کا سائز ایس یو وی کے برابر ہوگا جس کے ساتھ باسکٹ بال کے کورٹ جتنی لمبی سولر ایریز لگی ہوں گی۔ یہ اس اسپیس کرافٹ کو مشتری کے چاند یورپا کے سفر میں توانائی دینے میں مدد کے لیے ہوں گی۔

اسپیس کرافٹ کا مرکزی جسم 10 فٹ لمبا پروپلژن موڈیول ہے جس کو امریکی ریاست میری لینڈ میں قائم جان ہوپکنس اپلائیڈ فزکس لیبارٹری میں ڈیزائن کیا گیا اور بنایا گیا ہے۔