’امریکی اپنی جھاڑوؤں پر سوار ہو کر خلاء میں جائیں’بول نیوز

’امریکی اپنی جھاڑوؤں پر سوار ہو کر خلاء میں جائیں’

ویب ڈیسک

06th Mar, 2022. 06:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’امریکی اپنی جھاڑوؤں پر سوار ہو کر خلاء میں جائیں’

روس نے امریکی کمپنیوں کو راکٹوں کی فروخت بند کردی۔

روسی اسپیس ایجنسی کے سربراہ ڈمیٹری روگوزِن کا کہنا تھا کہ امریکا کو لانچ فراہم کرنے والوں کو خلاء کے لیے اپنی جھاڑوئیں پر سوار ہونا چاہیئے۔

روس 1990 کی دہائی کے وسط سے RD-180 انجنوں کی فروخت اور مرمت کررہا ہے۔ یہ انجن یونائیٹڈ لانچ ایلائنس ایٹلس فائیو راکٹ میں استعمال ہوتا ہے۔

اب تک فراہم کیے جانے والے 122 انجنوں میں سے 98 استعمال کیے جا چکے ہیں۔

روگوزِن نے روسی ریاستی ٹیلی ویژن پر گفتگو کرتے ہوئے کہا ’اس صورتحال میں ہم امریکا کو اپنے دنیا کے بہترین راکٹ انجن نہیں مہیا کر سکتے۔ انہیں کسی اور چیز پر اڑنے دیں، ان کی چھاڑوؤں پر، مجھے نہیں پتہ کس پر۔‘

یونائیٹڈ لانچ ایلائنس پہلے ہی ایٹلس فائیو میں RD-180 انجنوں کو تبدیل کرنے پر کام شروع کر چکی ہے۔

ادارے کی جانب سے 2014 میں بلیو اوریجن کے BE-4 کے انجنوں کے متعلق معاہدوں پر دستخط ہوئے ہیں۔

امریکا کو انجنوں کی فروخت کے ساتھ روس جرمنی کے ساتھ مشترکہ پروجیکٹ اور یورپی اسپیس ایجنسی کے ساتھ لانچ معاہدے سے پیچھے ہٹ گیا ہے۔

اس کے علاوہ روس نے امریکا کو انٹرنیشنل اسپیس اسٹیشن کو ختم کرنے کی دھمکی بھی دی ہے۔