نظامِ شمسی سے باہر وجود میں آتے سیاروی نظامبول نیوز

نظامِ شمسی سے باہر وجود میں آتے سیاروی نظام

ویب ڈیسک

17th Mar, 2022. 10:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نظامِ شمسی سے باہر وجود میں آتے سیاروی نظام

ماہرینِ فلکیات نے ایک کم عمر بائنری اسٹار سسٹم میں زبردست ترتیب کا مشاہدہ کیا ہے جو تین نئے سیاروی نظاموں کو جنم دینے جارہا ہے۔

ٹیم نے تشکیل پاتے سیاروں کی گیس اور گرد کی ڈسک پر پیچیدہ آرگینک مالیکیول بھی دریافت کیے جو مستبل میں ان سیاروں میں زندگی کا بیج بو سکتے ہیں۔

سائنس دانوں کی ٹیم نے مطالعے میں دریافت کیا کہ دہرے ستاروں کے نظام SVS 13 میں ایک یا دو نہیں بلکہ تین سیارے تشکل پا رہے ہیں۔

یہ دوہرے ستاروں کا نظام زمین سے 980 نوری سال کے فاصلے پر موجود ہے۔

اس نظام میں ہر ستارے کے گرد ایک ڈسک موجود ہے اور سب سے بڑی ڈسک پورے بائنری سسٹم کے گرد گھوم رہی ہے۔

سب سے بڑی بیرونی ڈسک کا ڈھانچہ اسپائرل نوعیت کا ہے جو انفرادی ڈسک میں مادہ بھرتا ہے، اور ان تمام سیاروی نظاموں میں مستقبل میں زندگی تشکیل پا سکتی ہے۔

یونیورسٹی آف مانچسٹر کی محقق اینا کارلا ڈیاز-روڈریگیز کی رہنمائی میں ہونے والی تحقیق میں یہ غیر معمولی نتائج سامنے آئے۔

انہوں نے بتایا کہ یہ نظام دِکھاتا ہے کہ ایسے سیارے ہوں گے جن کے دو سورج ہوں گے، شاید ایسے بھی ہوں جو ایک سورج کے گرد گھومتے ہوں اور جن میں سال کے کچھ عرصے رات نہ ہوتی ہو۔