مائیکروسافٹ نے کروم کے لیے اپنے اسکائپ ایکسٹینش میں پرائیویسی کے مسئلے کو حل کر لیا۔

اسکائپ ایکسٹینشن میں بگ آنے کی وجہ سے لاکھوں صارفین کے اکاؤنٹ کی معلومات لیک ہونے کا خطرہ تھا۔

سیکیورٹی محقق ولادی میر پیلینٹ نے جب اپنی توجہ اسکائپ فار کروم ایکسٹینشن، جس کو 90 لاکھ بار صارفین نے انسٹال کیا ہے، کی جانب کی تو انہوں نے ایک معمولی بگ دریافت کیا جو ویب سائٹس کو صارفین کے اکاؤنٹس کی معلومات حاصل کرنے دیتا تھا جس کو عام طور پر ممنوع ہونا چاہیئے۔

پیلینٹ کا کہنا تھا کہ پرائیویسی کا مسئلہ سادہ سا ہے۔ ایکسٹنشن آپ کا اسکائپ کا نام کسی بھی ویب سائٹ کو لیک کر دیتا ہے۔ اسکائپ کے نام سے یوزر نیم اور پروفائل کی تصویر نکالی جا سکتی ہے۔

محقق کے مطابق یہ مسئلہ ایکسٹینشن کے شناخت کرنے کے طریقہ کار میں تھا، جو اس بات کا تعین کر سکتا ہے کہ کوئی صارف مائیکرو سافٹ اکاؤنٹ پر لاگ آن ہے۔

پیلینٹ نے کہا کہ انہوں نے اس مسئلے کو مثال کے ساتھ مائیکروسافٹ کے ساتمنے یکم دسمبر 2021 کو پیش کیا لیکن کمپنی کی سیکیورٹی ٹیم کی جانب سے کوئی ٹھوس جواب حاصل کرنے میں ناکام رہا۔

محقق کی جانب سے دی جانے والی یکم مارچ کی ڈیڈ لائن سے تھوڑا عرصہ قبل یعنی 24 فروری کو اسکائپ ایکسٹنشن کو بالآخر اپ ڈیٹ کر دیا گیا۔