بیس بال ٹیم مینیجر کی فضائی موٹر بائیک پر انٹریبول نیوز

بیس بال ٹیم مینیجر کی فضائی موٹر بائیک پر انٹری

ویب ڈیسک

31st Mar, 2022. 07:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیس بال ٹیم مینیجر کی فضائی موٹر بائیک پر انٹری

ایک نئی فوٹیج سامنے آئی ہے جس میں جاپان کی بیس بال ٹیم کے مینیجر اپنے اسٹیڈیم میں ایک 6 لاکھ 56 ہزار امریکی ڈالرز کی فضائی موٹربائیک-ڈرون ہائبرڈ پر سوار ہو کر داخل ہوئے۔

ہوکائڈو نیپون ہیم فائٹرز کے نئے مینیجر ٹسویوشی شِنچو مستقبل کی ایکس ٹورِزمو پر سوار ہوکر ہوکائڈو کے سایپورو ڈوم میں داخل ہوئے۔

اس وہیکل کو ایک موٹر سائیکل، ڈرون اور عمودی طریقے سے ہوا میں اٹھنے والے ایئر کرافٹ کے مرکب کے طور پر بیان کیا جا رہا ہے۔

یہ فضائی موٹر بائیک 40 منٹ کے دورانیے تک 60 میل فی گھنٹہ کی رفتار سے اڑ سکتی ہے۔

ایکس ٹورِزمو ایک پھیلے ہوئے ڈرون کی طرح دِکھتی ہے سوائے اس کی موٹر بائیک کے انداز میں لگی ہوئی سیٹ کے جو صرف ایک مسافر کو بٹھانے کے لیے لگی ہے۔

شِنجو اپنی ٹیم ہوکائڈو نِپون ہیم فائٹرز کے اس سیزن کے پہلے میچ کے لیے اس فضائی موٹر بائیک پر سوار ہو کر میدان میں پہنچے۔

شِنجو اس وہیکل کو پہیوں پر چلا کر اسٹیڈیم میں لائے، پھر پرواز بھری اور فیلڈ سے کافی بلندی پر لے گئے اور ایک منٹ بعد لینڈ کر گئے۔

جس کے بعد انہوں نے اپنا ہیلمیٹ اتارا اور اپنی سرخ رنگ کی جیکٹ گراؤنڈ میں اچھال دی۔

آرٹیکل کا اختتام

اگلی خبر

تحریک عدم اعتماد سے پاکستان کی کریڈٹ ریٹنگ”منفی”ہوگی، موڈیز

ویب ڈیسک

31st Mar, 2022. 12:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تحریک عدم اعتماد سے پاکستان کی کریڈٹ ریٹنگ”منفی”ہوگی، موڈیز

بین الاقوامی ریٹنگ ایجنسی موڈیز نے تحریک عدم اعتماد کے تناظر میں پاکستان کی ریٹنگ منفی کر دی۔

موڈیز کی جانب سے جاری بیان میں کہا گیا ہے کہ حکومت کے خلاف تحریک عدم اعتماد پاکستان میں پالیسی کے تسلسل پر سوالیہ نشان ہے۔

موڈیز کا کہنا ہے کہ تحریک عدم اعتماد حکومت کے ریفارمز متعارف کرانے کی صلاحیت پر اثر انداز ہو گی۔

ریٹنگ ایجنسی کی جانب سے کہا گیا ہے کہ پاکستان کوبیرونی ادائیگیوں میں مشکلات کا سامنا کرنا پڑ سکتا ہے اور ‏آئی ایم ایف سے جاری معاملات بھی متاثر ہوسکتے ہیں۔

موڈیز کا کہنا ہے کہ ‏عالمی منڈی میں قیمتیں بڑھنے سے کرنٹ اکاؤنٹ خسارہ بڑھ رہاہے، 8 ماہ میں پاکستان کا جاری خسارہ 12 ارب ڈالر رہا جبکہ رواں مالی سال جاری خسارہ جی ڈی پی تناسب سے 5 سے 6 فیصد رہے گا، اس سے قبل جاری خسارہ جی ڈی پی تناسب سے 4 فیصد رہنے کے اندازے تھے۔

موڈیز کا یہ بھی کہنا ہے کہ موجودہ حالات میں زرمبادلہ ذخائر کم ہونا شروع ہوجائیں گے، ‏بین الاقوامی ادائیگیاں پاکستان کیلئے مشکل ہوسکتی ہیں۔

موڈیز کا کہنا ہے کہ عدم اعتماد کا نتیجہ جو بھی ہو حکمران جماعت کے لیےآمدن بڑھانے کے ریفارم پر پیشرفت مشکل ہو گی، بیرونی فنانسنگ کے حصول اور مہنگائی کے سبب حکمران جماعت کے لیے پیش رفت مشکل ہو گی۔