پُلوٹو کے برفیلے آتش فشاںبول نیوز

پُلوٹو کے برفیلے آتش فشاں

ویب ڈیسک

29th Mar, 2022. 10:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پُلوٹو کے برفیلے آتش فشاں

ناسا کے نیو ہورائزن اسپیس کرافٹ کی جانب سے کھینچی گئی نئی تصاویر میں دیکھا گیا ہے کہ پلُوٹو میں برف کے آتش فشاں ہیں جن میں سے ایک ہوائی کے مونا لوا کے برابر ہے۔

تصاویر میں اس بونے سیارے کا وہ علاقہ دِکھایا گیا ہے جہاں سات کلو میٹر کی لمبائی تک آتش فشاں موجود ہیں جو کچھ عرصہ پہلے تک فعال تھے۔

ہمارے نظامِ شمسی میں اس سے پہلے بھی متعدد جگہوں پر برف کے آتش فشاں پائے گئے ہیں جن میں سیارے زحل کا چاند ٹائٹن اور ایک بونا سیارہ سیرس شامل ہیں۔

البتہ، پلوٹو پر اس کی دریافت کچھ حیران کن ہے کیوں کہ گزشتہ تحقیق میں بتایا گیا تھا کہ بونے سیاروں کے اندرون اتنی گرمی پیدا نہیں ہوتی کہ آتش فشانی کا عمل ہو سکے۔

امریکی ریاست کولوراڈو میں قائم ساؤتھ ویسٹ ریسرچ انسٹیٹیوٹ کے محققین نے اپنی تحقیق میں نیو ہورائزن کی جانب سے لی جانے والی اسپٹ نِک پلینیٹیا آئس شیٹ کے جنوب مغربی علاقے کی تصاویر کا جائزہ لیا۔

اس آئس شیٹ میں ایک قدیم بیسن ہے جو 1000 کلو میٹر پر پھیلا ہوا ہے اور اس کے اطراف بڑے بڑے ناہموار اطراف ہیں۔

محققین کی جانب سے کیے جانے والے تصاویر کے تجزیے میں اس بات کا اشارہ دیا گیا ہے کہ یہ علاقہ برف کے آتش فشاؤں سے ڈھکا ہوا ہے۔ جو بنیادی طور پر پانی کی برف سے بنے ہوئے ہیں۔