4 گھنٹے معطلی کے بعد ٹک ٹاک کی سروس بحالبول نیوز

4 گھنٹے معطلی کے بعد ٹک ٹاک کی سروس بحال

ویب ڈیسک

10th Mar, 2022. 11:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

4 گھنٹے معطلی کے بعد ٹک ٹاک کی سروس بحال

مشہور ویڈیو شیئرنگ ایپ ٹک ٹاک کی سروس ڈاؤن ہونے کے بعد دوبارہ بحال ہوگئی۔

ٹِک ٹاک کا کہنا ہے کہ کمپنی نے ایپلی کیشن کو درپیش تکنیکی مسئلے کو حل کرلیا ہے جس کی وجہ سے صارفین تقریباً چار گھنٹوں تک ویڈیو شیئرنگ ایپ تک رسائی حاصل نہیں کر سکے۔

ڈاؤن ڈیٹیکٹر کے مطابق آج مشرقی معیار وقت کے مطابق صبح 6 بج کر 30 منٹ کے بعد سے 7000سے زائد رپورٹس درج کرائی گئیں۔

چینی سوشل نیٹ ورک کے ترجمان نے اس بات کی تصدیق کی کہ مسئلے کو مشرقی معیارِ وقت کے مطابق 10 بج کر 30 منٹ کے تھوڑی دیر بعد حل کر لیا گیا تھا۔

تاہم، مسئلے کی وجہ کیا تھی، یہ نہیں بتایا گیا۔

ایک آن لائن جریدے سے بات کرتے ہوئے کمپنی کا کہنا تھا کہ صارفین کی چھوٹی سی تعداد کو ٹِک ٹاک ایپ استعمال کرنے میں مسئلہ پیش آرہا تھا جس کو حل کردیا گیا ہے۔

مسئلہ حل ہونے سے قبل ٹک ٹاک صٓرفین نے ٹوئٹر پر سروس کی معطلی کے متعلق ٹوئٹر پر شکایات پوسٹ کیں۔

ان میں سے کچھ صارفین نے اپنی ویڈیوز نہ دِکھنے کے متعلق شکایت کی تھی۔

واضح رہے برطانوی اخبار کے مطابق برطانیہ میں زیادہ تر مسئلے لندن اور برمنگھم میں سامنے آئے تھے، جب کہ امریکا میں نیو یارک اور اٹلانٹا میں اس بابت شکایات سامنے آئیں۔