نظامِ شمسی سے باہر 5000 سے زائد معلوم سیاروں کی تصدیقبول نیوز

نظامِ شمسی سے باہر 5000 سے زائد معلوم سیاروں کی تصدیق

ویب ڈیسک

22nd Mar, 2022. 06:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نظامِ شمسی سے باہر 5000 سے زائد معلوم سیاروں کی تصدیق

امریکی خلائی ادارے ناسا نے ہمارے نظامِ شمسی کے باہر 5000 سے زائد معلوم سیاروں کے وجود کی تصدیق کردی۔

ہمارے نظامِ شمسی کے باہر موجود سیاروں کو ’ایگزوپلینٹ‘ کہا جاتا ہے۔

ناسا نے اپنے آن لائن ایگزوپلینٹ آرکائیو میں 65 مزید نظامِ شمسی سے باہر موجود تصدیق ہونے والے سیاروں کو فہرست میں شامل کیا ہے، جن کی کُل تعداد اب 5005 تک پہنچ چکی ہے۔

نظامِ شمسی سے باہر پائے جانے والے ان سیاروں میں زمین کی طرح چھوٹی اور چٹانی دنیائیں ہیں، مشتری سے بڑے گیس کے گولے بھی ہیں اور اپنے ستاروں سے قریب مدار رکھنے والے تپتے ’گرم مشتری‘ بھی ہیں۔

تاہم، ناسا نے زور دیا ہے کہ 5005 کا ہندسہ صرف ملکی وے کہکشاں میں موجود سیاروں کا ایک بہت چھوٹا حصہ ہے، یہ تعداد اربوں تک جا سکتی ہے۔

امریکی ریاست کیلیفورنیا کے ایک شہر پیساڈینا کے کیلیفورنیا انسٹیٹیوٹ آف ٹیکنالوجی میں قائم ناسا ایگزو پلینٹ سائنس انسٹیٹیوٹ کی محقق جیسی کرسٹینسین کا کہنا تھا کہ یہ محض ہندسہ نہیں ہے۔ ان میں سے ہر ایک نئی دنیا ہے، ایک بالکل نیا سیارہ ہے۔ وہ ان کے متعلق بہت پُرجوش ہیں کیوں کہ سائنس دان ان سیاروں کے متعلق کچھنہیں جانتے۔

ناسا کے آن لائن ڈیٹا بیس کے مطابق ایگزوپلینٹ کی اکثریت زمینی اجسام کے بجائے مشتری اور نیپچون کی طرح گیس کی بنی ہوئی ہے۔