ہم میں سے بہت سے لوگ دنیا میں سورج گرہن کا منظر دیکھنے کے لیے بے تاب رہتے ہیں لیکن حال ہی میں ناسا کی جانب سے ایک ویڈیو جاری کی گئی ہے جس میں دِکھایا گیا ہے کہ سورج گرہن کا منظر مریخ سے کیسا دِکھائی دیتا ہے۔

امریکی خلائی ادارے کے پرزیورینس روور نے مریخ سے آلو نما چاند کے سورج کے سامنے سے گزرنے کی فوٹیج عکس بند کی ہے۔

ناسا کے اس روور، جو فروری 2021 سے مریخ پر موجود ہے، نے یہ فوٹیج اپنے اگلی جنریشن کے میسٹ کیم-زی کیمرا سے 2 اپریل کو عکس بند کی۔

میسٹ کیم-زی ٹیم کی ایک ممبر، جو کیمرے کو چلاتے ہیں، ریچل ہوسن کا کہنا تھا کہ وہ جانتی تھیں کہ یہ اچھا ہوگا لیکن انہیں یہ امید نہیں تھی کہ یہ اتنا زبردست ہوگا۔

فوبوس مریخ کے دونوں چاندوں میں بڑا چاند ہے۔ یہ مریخ کے گرد دن میں تین چکر لگاتا ہے اور یہ مریخ کی سطح سے اتنا قریب ہے کہ مریخ پر کچھ جگہوں پر یہ ہمیشہ نہیں دیکھا جاسکتا۔

یہ گرہن پرزیورنس کے اس سیارے پر موجودگی کے 397 ویں مریخی دن پر ہوا اور 40 سیکنڈوں تک جاری رہا۔

یہ عمومی سورج گرہن سے قدرے چھوٹا گرہن تھا، بشمول زمین پر ہونے والے سورج گرہن سے۔ اس میں کوئی حیرانی کی بات نہیں فوبوس سائز میں زمین کے چاند سے 157 گُنا چھوٹا ہے۔