ٹیروسارس کے متعلق طویل عرصے سے موجود معمہ حلبول نیوز

ٹیروسارس کے متعلق طویل عرصے سے موجود معمہ حل

ویب ڈیسک

21st Apr, 2022. 06:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیروسارس کے متعلق طویل عرصے سے موجود معمہ حل

ایک نئی تحقیق میں انکشاف ہوا ہے کہ قبل از تاریخ دور میں اڑنے والے ریپٹائلز، جو ٹیروسارس کے نام سے جانے جاتے ہیں، ان کے پَر ہوتے تھے اور اپنے ساتھیوں کو راغب کرنے کے لیے یا ٹھنڈا رہنے کے لیے انہیں اپنے رنگوں پر قابو ہوتا تھا۔

ٹرائیاسِک، جُراسک اور کریٹیسیئس دور کے دوران، یعنی 23 کروڑ سے 6 کروڑ 60 لاکھ سال پہلے، ٹیروسارس ڈائنو سارس کے ساتھ رہا کرتے تھے۔

یہ بات تو معلوم تھی کہ ٹیروسارس پر ایک نرم سے کوٹ کی جلد ہوتی تھی جو بالوں جیسے فائبر سے بنی ہوتی تھی جس کو پِکنوفائبرس کہا جاتا ہے۔ لیکن آیا یہ سچ تھا کہ جھوٹ، پر ہمیشہ سے بحث کا مرکز رہے۔

اب یونیورسٹی کالج کارک کے محققین نے شمال مغربی برازیل سے دریافت ہونے والے 11 کروڑ 50 لاکھ سال پُرانے ٹیروسار ٹوپینڈک ٹائلس اِمپریٹر کے سر کی باقیات کا مطالعہ کیا۔

ٹیروسار کی اس قسم کے پر 13 فِٹ سے زیادہ بڑے تھے اور یہ اپنے عجیب و غریب سر کی وجہ سے مشہور تھا۔

ٹیم نے دیکھا کہ سر کے نچلے حصے میں پروں کا ایک مبہم حلقہ تھا۔ جس میں دونوں قسم کے پر شامل تھے چھوٹے تار نما بال جیسے پر اور نرم شاخ نما پر۔

تحقیق کے سربراہ مصنف ڈاکٹر اوڈ سِنکوٹا کا کہنا تھا کہ محققین کو یہ سب دیکھنے کی توقع نہیں تھی۔