اقوامِ متحدہ کی ایک رپورٹ میں انکشاف کیا جانے والا ہے کہ ماحول سے کاربن ڈائی آکسائیڈ جذب کرنے کی ٹیکنالوجی موسمیاتی تغیر سے بچنے کے لیے ضروری ہوگی۔

موسمیاتی تغیر پر اقوامِ متحدہ کے بین الحکومتی پینل کی رپورٹ کو میراتھون گفتگو میں رپورٹ کی معلومات پر اتفاق کے بعد جاری کیا جائے گا۔

یہ رپورٹ عالمی تپش کو 1.5 ڈگری سیلسیئس یا 2 ڈگری سیلسیئس سے کم کرنے کے لیے ضروری اقدام شروع کرائے گی جس میں فوسل فیول کے استعمال میں انتہائی کمی کے ساتھ قابلِ تجدید ٹیکنالوجی کی اپنائیت شامل ہے۔

رپورٹ میں توانائی سیکٹر، زراعت اور زمین، شہروں، عمارتوں، صنعتوں اور ٹرانسپورٹ کی جانب سے اخراج میں کمی کے لیے اٹھائے جانے والے اقدامات کو واضح کیا جائے گا۔

رپورٹ کے خلاصے کی منظوری کے لیے سائنس دانوں اور 195 حکومتوں کے نمائندوں کی دو ہفتے طویل آن لائن میٹنگ ہوئی۔

منظوری کے اس عمل کا مطلب ہے کہ جب حتمی ورژن جاری کیا جائے گا حکومتوں نے ان نتائج پر دستخظ کردیے ہوں گے۔

یہ نئی رپورٹ ایک ایسے وقت میں آرہی ہے جب توانائی کی قیمتیں اور سپلائی کا دباؤ برھ رہا ہے اور روس کی جانب سے یوکرین پر کیے جانے والے حملے کی وجہ سے بد تر ہوتا جا رہا ہے۔

اس معاملے نے اس فراہمی کی سیکیورٹی کی بحث کو دوبارہ زندہ کر دیا ہے اور بات کو کہ آیا موسمیات کے لیے عمل کو بڑھانے کی ضرورت ہے یا مزید تیل اور گیس کے وسائل کا استحصال کرنا ہے۔