ایک نئی تحقیق کے مطابق برقی اسکوٹرز کے سواروں کے حادثے کا شکار ہونے اور زخمی ہونے امکانات دوسری اقسام کے ذاتی ٹرانسپورٹ کے ذرائع استعمال کرنے سے ہونے سے زیادہ ہوتے ہیں۔

یونیورسٹی آف کیلیفورنیا لاس اینجلس میں کی جانے تحقیق میں اندازہ لگایا گیا کہ ای اسکوٹر پر روزانہ لاکھوں سواریاں کی جاتی ہیں، جس میں 115 کے قریب سواریوں کے نتیجے میں سوار کسی قسم کا زخمی ہوتا ہے۔

اس کے برعکس 10 لاکھ موٹر سائیکل سواریوں میں صرف 104 سواریاں زخمی ہوئیں جبکہ بائی سائیکل استعمال کرنے والے 10 لاکھ افراد میں صرف 15 لوگوں کو چوٹیں لگیں۔

محققین نے جنوری 2014 سے جنوری 2020 کے درمیان، یعنی برقی اسکوٹرز کے متعارف کرانے سے پہلے اور بعد، لاس اینجلس کے کلینکس میں 1354 افراد کا ڈیٹا استعمال کیا۔

ٹیم کا کہنا تھا کہ زخمی ہونے کی شرح ممکنہ طور پر کم ہے لیکن انفرادی حادثات جو پیش آتے ہیں وہ موٹر سائیکل حادثات سے کم شدید اور مہلک ہوتے ہیں۔

یونیورسٹی آف کیلیفورنیا لاس اینجلس کے پروفیسر اور تحقیق کی سینیئر مصنفہ ڈاکٹر ژوان ایلمور کا کہنا تھا کہ اس وقت لاکھوں سوار ان اسکوٹرز کو استعمال کر رہے ہیں، لہٰذا عوام کی صحت پر اس کے اثرات کا سمجھنا بہت ضروری ہے۔

انہوں نے مزید بتایا کہ تحقیق کے نتائج میں معلوم ہوا کہ ای اسکوٹرز سے زخمی ہونے کی شرح، موٹر سائیکل سے زخمی ہونے کی شرح کے جیسے ہی ہے، جو حیران کن ہے۔