’فروخت کے بعد علم نہیں ٹوئٹر کس سمت میں جائے گا‘بول نیوز

’فروخت کے بعد علم نہیں ٹوئٹر کس سمت میں جائے گا‘

ویب ڈیسک

26th Apr, 2022. 09:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’فروخت کے بعد علم نہیں ٹوئٹر کس سمت میں جائے گا‘

ٹوئٹر کےچیف ایگزیکٹِیو پراگ اگروال کا کہنا ہے کہ انہیں علم نہیں کہ ایلون مسک کو بیچے جانے کے بعد پلیٹ فارم کس سمت میں جائے گا۔

پراگ اگروال کی جانب سے یہ تبصرہ کمپنی کی طرف سے فروخت ہونے کے اعلان کے گھنٹوں بعد کیا گیا۔

دی ورج کے مطابق پراگ اگروال کا اسٹاف کو مبینہ طور پر کہنا تھا کہ ڈیل طے ہونے کے بعد کیا ہوگا اس میں بے شک غیر یقینی ہے۔

بزنس انسائیڈر کے مطابق ان کا کہنا تھا کہ سابق امریکی صدر ڈونلڈ ٹرمپ جیسے متنازع صارفین کی ٹوئٹر پر واپسی کے حوالے سوال ایلون مسک سے کرنا بہتر ہوگا۔

انہوں نے کہا ہم ایلون مسک کو ایک سوال و جواب میں لانے کا کوئی راستہ تلاش کرلیں گے۔

پراگ اگروال نے کہا کہ ہمارے پاس تمام جوابات نہیں ہیں۔ یہ غیر یقینی کا وقت ہے۔

کئی ملازمین مبینہ طور پر نوکری سے نکالے جانے کے متعلق فکرمند ہیں لیکن چیف ایگزیکٹِیو کا کہنا تھا کہ اس وقت ایسا نہیں ہوگا۔

پراگ اگروال ڈیل کے طے پاجانے تک کمپنی کے سربراہ رہیں گے، جس میں چھ ماہ کا عرصہ لگ سکتا ہے، لیکن یہ واضح نہیں کہ اس کے بعد کیا ہوگا۔

ایک بار ڈیل طے ہوجائے، بریٹ ٹیلر کی سربراہی میں کام کرنے والا ٹوئٹر بورڈ تحلیل ہو جائے گا۔