زمین سے 13.5 ارب نوری سال کے فاصلے پر موجود کہکشاں دریافتبول نیوز

زمین سے 13.5 ارب نوری سال کے فاصلے پر موجود کہکشاں دریافت

ویب ڈیسک

07th Apr, 2022. 06:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زمین سے 13.5 ارب نوری سال کے فاصلے پر موجود کہکشاں دریافت

ماہرین فلکیات نے زمین سے 13 ارب 50 کروڑ نوری سال کے فاصلے پر ایک کہکشاں دریافت کی ہے جو اب تک کی دریافت ہونے والی کہکشاؤں میں سب سے زیادہ فاصلے پر موجود ہے۔

HD1 کا نام پانے والی اس کہکشاں کے متعلق سائنس دان قیاس آرائیاں کر رہے ہیں کہ یہ کیا ہے اور یہ کیسی ہو سکتی ہے۔

محققین نے اس کے متعلق دو خیالات پیش کیے ہیں۔ پہلا خیال یہ کہ HD1کہکشاں حیرت انگیز شرح سے ستارے بنا رہی ہے اور ممکنہ طور پر یہ کائنات کے ابتدائی ستاروں، جن کو Population III ستارے کہا جاتا ہے، کی آماج گاہ ہو۔ ان ستاروں کا کبھی مشاہدہ نہیں کیا گیا ہے۔

سائنس دانوں کی جانب سے دوسرا خیال یہ پیش کیا گیا ہے کہ HD1 مین ممکنہ طور پر بہت بڑا بلیک ہول ہو جس کا وزن سورج سے 10 کروڑ گُنا زیادہ ہو۔

HD1 کہکشاں سُبارو ٹیلی اسکوپ، وِسٹا ٹیلی اسکوپ، یو کے انفرا ریڈ ٹیلی اسکوپ اور اسپِٹزر اسپیس ٹیلی اسکوپ کی جانب سے 1200 گھنٹوں سے زائد عرصے کے مشاہدے کے بعد دریافت ہوئی۔

یونیورسٹی آف ٹوکیو کے ماہرِ فلکیات یوئیچی ہاریکانے، جنہوں نے اس کہکشاں کو دریافت کیا، کا کہنا تھا کہ 7 لاکھ اشیاء میں سے HD1 کو ڈھونڈ نکالنا بہت مشکل کام تھا۔