چمگادڑ نے طویل ہجرت کا نیا ریکارڈ بنا دیابول نیوز

چمگادڑ نے طویل ہجرت کا نیا ریکارڈ بنا دیا

ویب ڈیسک

26th Apr, 2022. 05:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چمگادڑ نے طویل ہجرت کا نیا ریکارڈ بنا دیا

ایک چھوٹے چمگادڑ نے روس سے فرینچ ایلپس تک 63 روز سے زائد عرصے تک اڑ کر 3000 کلومیٹر کا فاصلہ طے کر کے ہجرت کا نیا ریکارڈ بنا دیا۔

نیتھوسیئس پِپسٹریل نامی قسم نے لیٹویا سے اسپین تک کی جانے والی 260 کلومیٹر کے گزشتہ ہجرت کے ریکارڈ کو توڑا۔

یورپ میں چمگادڑوں کے 1000 کلومیٹرز سے زیادہ فاصلے کی پروازوں کی مثالیں کم ہی ملتی ہیں۔ جبکہ ٹروپیکل موسموں میں بھی کچھ چمگادڑ 2000 کلومیٹرز تک ہی ہجرت کرتے ہیں۔

چمگادڑ نے اتنا لمبا راستہ کیوں لیا یہ فی الحال واضح نہیں، لیکن محققین کا خیال ہے کہ یا تو یہ ہجرت کے معمول کے راستے سے بھٹک گیا تھا یا شاید طویل ہجرتیں پہلے کی نسبت زیادہ عام ہوگئی ہیں۔

محققین کا ماننا ہے کہ چمگادڑ نے بحیرہ بالٹک کے ساحل کا راستہ اپنایا ہو کیوں کہ دیگر چمگادڑ بھی اکثر ہجرت کے موسم کے دوران اس ساحل پر پائے جاتے ہیں۔

روسی محققین نے 2009 میں اس مادہ چمگادڑ کو انفارمیشن ٹیگ کا چھلہ پہنایا تھا۔

پھر 63 دنوں سے زائد کے عرصے میں یہ چمگادڑ یورپ بھر میں اڑا۔ جس کے بعد اس کا جسم فرینچ ایلپس کے قریب گاؤں لیولی سے ایک پانی کی ٹنکی میں ملا۔

چمگادڑ کی رنگنگ لوکیشن اور اس گاؤں لیولی کے درمیان مختصر ترین فاصلہ 2486 کلومیٹر کا ہے لیکن حقیقی فاصلہ جو طے کیا گیا وہ 3000 کلو میٹر تک کا ہوسکتا ہے۔