گُوگل کی مالک کمپنی ایلفابیٹ کی ایک کمپنی وِنگ امریکی ریاست ٹیکسز کے شہر ڈیلاس کے گھروں میں پہلی بھرپور ڈرون ڈلیوری کا آغاز کرے گی۔

ایمازون، والمارٹ، وِنگ سمیت دیگر متعدد کمپنیاں ڈرون ڈیلیوریز کی آزمائشیں تقریباً ایک دہائی سے کر رہی ہیں۔

یہ تاخیر فیڈرل ایوی ایشن اتھارٹی کے لائسنسنگ مسائل کی وجہ سے ہوئی۔ جس کا مطلب ہے کہ یہ ڈرون انسان کی مسلسل نگرانی کے بغیر نظروں سے دور نہیں اڑایا جاسکتا۔

فیڈرل ایوی ایشن اتھارٹی کی جانب سے مستقبل میں ان قواعد میں نرمی کا اشارہ دیا گیا ہے، لہٰذا ونگ جیسی کمہنیاں کمرشل ڈلیوری سروسز جاری کر رہی ہیں۔

والمارٹ نے حال ہی میں امریکی ریاست آرکنساز میں ڈروب آپریٹر ڈرون اپ کے اشتراک سے سروس جاری کی ہے اور اس ے قبل کمپنی ایک اور ڈرون آپریٹر زِپ لائن کے ساتھ کام کر چکی ہے۔

وِنگ کمپنی کے سی ٹی او ایڈم ووڈ ورتھ کا کہنا تھا کہ بڑے پیمانے پر سروس کے اجراء سے قبل کمپنی کا منصوبہ تھا کہ ڈیلاس فورٹ ورتھ میٹرو کے مخصوص علاقوں، فرِسکو کے چند ہزار گھروں اور ایک قصبے لِٹل ایلم میں سروس جاری کرے۔

وہاں پر مقامی والگرین اسٹورز میں ڈرونز ہوں گے، جہاں اسٹاف آرڈر کو پیک کرے گا اور آرڈز کیے جانے کے 30 منٹوں کے اندر مقامی گھروں کے لیے بھیج دے گا۔