چینی کمپنی کا ہائپر سونک پروازوں کا منصوبہبول نیوز

چینی کمپنی کا ہائپر سونک پروازوں کا منصوبہ

ویب ڈیسک

06th Apr, 2022. 06:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چینی کمپنی کا ہائپر سونک پروازوں کا منصوبہ

ایک چینی ٹیک کمپنی نے ہائپر سونک پروازوں کے منصوبے کا خیال پیش کردیا۔ یہ پروازیں ایک میل فی سیکنڈ کی رفتار سے اڑ سکیں گی اور شینگھائی سے نیو یارک تک طویل راستہ صرف دو گھنٹوں میں پورا کر سکیں گی۔

برانڈ اسپیس ٹرانسپورٹیشن نے ایک اینیمیٹڈ ویڈیو جاری کی ہے جس میں دِکھایا گیا ہے کہ اسپیس فلائیٹس کس طرح کی دِکھ سکتی ہیں۔

ان پروازوں میں ایک راکٹ لانچر ہوگا جو جیٹ سے علیحدہ ہونے سے قبل اس کو 7000 کلومیٹر فی گھنٹہ کی رفتار تک اڑنے کے لیے خلاء کے کنارے تک بوسٹ کرے گا۔

ہائپر سونک طیارے آواز کی رفتار سے پانچ گُنا زیادہ تیزی سے سفر کرتے ہیں۔

شینگھائی کی مقامی کمپنی کی ویب سائٹ کا کہنا ہے کہ کمپنی کا آزمائشی پروازیں 2025 تک لانچ کرنے کا منصوبہ ہے اور کمپنی 2030 تک عالمی سطح پر مکمل طور پر ہائپر سونک پروازوں کے آپریٹ کرنے کو دیکھتی ہے۔

ویڈیو میں دیکھا گیا ہے کہ مسافر جہاز میں بغیر اسپیس سوٹ اور آکسیجن ماسک کے بیٹھے ہوئے ہیں۔

البتہ اس قسم کی پروازوں کو عمودی لینڈنگ درکار ہوگی۔

کمپنی نے گزشتہ برس اگست میں اعلان کیا تھا کہ اس نے اس منصوبے کے لیے 30 کروڑ یوان کے فنڈز اکٹھے کر لیے ہیں۔