جیمز ویب اسپیس ٹیلی اسکوپ مکمل فعال ہونے کی جانب گامزنبول نیوز

جیمز ویب اسپیس ٹیلی اسکوپ مکمل فعال ہونے کی جانب گامزن

ویب ڈیسک

30th Apr, 2022. 10:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جیمز ویب اسپیس ٹیلی اسکوپ مکمل فعال ہونے کی جانب گامزن

جیمز ویب اسپیس ٹیلی اسکوپ نے اپنے مکمل فعال ہونے کی جانب ایک اور اہم قدم اٹھا لیا ہے۔

10 ارب ڈالرز کی لاگت سے بنائی گئی ہبل ٹیلی اسکوپ کی جانشین اب پوری طرح سے فوکس ہے اور ترتیب دی جا چکی ہے۔

روشنی باقاعدگی سے اس کے آئینوں پر منعکس ہو رہی ہے تاکہ اس کے تمام چار آلات میں صاف اور واضح تصویر بن سکے۔

اب بس یہ دیکھنا باقی رہ گیا ہے کہ اس کے تمام آلات کی تنصیب باقاعدگی سے ہوئی ہے کہ نہیں یعنی وہ اپنا ڈیٹا ویسے بھیج رہے ہیں یا نہیں جیسے سمجھا جا رہا ہے اور توقع کی جارہی ہے۔

اس معاملے میں دو مہینے اور لگیں گے۔

ایک بار یہ اس کسوٹی پر پورا اتر جائے، جیمز ویب اسپیس ٹیلی اسکوپ اپنی ہر منظر کشی سے ہمیں حیران کرنے کے لیے تیار ہوگی جس طرح سے گزشتہ 30 سالوں سے ہبل ٹیلی اسکوپ ہمیں حیران کرتی آئی ہے۔

یورپی اسپیس ایجنسی کے سینئر سائنس ایڈوائزر پروفیسر مارک مک کورین کا کہنا تھا کہ ہم ٹیلی اسکوپ کی ترتیب کے مرحلے کے آخر میں پہنچ چکے ہیں۔ ہم نے انتہائی فوکس والی تصاویر پیش کی ہیں۔

جیمز ویب اسپیس ٹیلی اسکوپ کو گزشتہ برس کرسمس کے دن خلاء میں بھیجا گیا تھا اور اب وہ زمین سے 15 لاکھ کلومیٹر دور اپنے متعین کردہ مدار میں موجود ہے۔