مریخ پر ملنے والے عجیب و غریب ملبے کی تصاویر جاریبول نیوز

مریخ پر ملنے والے عجیب و غریب ملبے کی تصاویر جاری

ویب ڈیسک

28th Apr, 2022. 06:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مریخ پر ملنے والے عجیب و غریب ملبے کی تصاویر جاری

ناسا نے مریخ پر پرزیورنس روور کے اترنے میں مدد کرنے والے پیراشوٹ اور اس کے مخروطہ شکل کے خول کی تصاویر جاری کر دیں۔

بظاہر دیکھنے میں لگتا ہے کہ یہ کوئی اڑن تشتری ہے جو مریخ پر گِر کر تباہ ہوئی ہے۔ لیکن سائنس دانوں نے واضح کیا ہے اس ملبے کا تعلق خلائی مخلوق کی تہذیب سے نہیں بلکہ انسانوں سے ہی ہے۔

گزشتہ سال فروری میں مریخ پہنچنےوالے پرزیورینس روور کو مریخ کی سرزمین پر اترنے میں مدد دینے والے آلات کی رنگین تصاویر امریکی خلائی ایجنسی کے انجینوئیٹی ہیلی کاپٹر نے کھینچی ہیں۔

تفصیلی تصاویر میں ایک پیراشوٹ اور مخروطہ نما پشت کا خول دیکھا جاسکتا ہے جس نے کار کے سائز کے روور کی خلاء میں اور اس کے مریخ پر اترنے کے دوران حفاظت کی۔

انجینوئیٹی نے یہ فضائی تصایور اپنی 26 ویں پرواز کے دوران کھینچیں، جو اس کی پہلی پرواز بھرنے کے ایک سال مکمل ہونے پر کی گئی۔

اس ’مارس کاپٹر‘ کو در اصل پانچ پروازوں کے لیے بنایا گیا تھا۔

مریخ میں داخلہ اور وہاں سرزمین پر اترنا ایک تیز اور دباؤ سے بھرپور عمل ہے، نہ صرف زمین پر موجود انجینیئرز کے لیے بلکہ وہیکل کے لیے بھی جو کشش ثقل کی طاقت، زیادہ درجہ حرارت اور دیگر انتہاؤں کو برداشت کرتا ہے، جو مریخ میں داخل ہونے کے ساتھ پیش آتی ہیں۔