آئی فون 14 کے حوالے چہ می گوئیاں آئی فون 13 کے منظر پر آنے کے بعد سے جاری ہیں اور گزشتہ چند ماہ میں آئی فون 14 سے متعلق کچھ معلومات لیک ہو کر ٹیکنالجی پر نظر رکھنے والے عالمی میڈیا کی سرخیاں بن چکی ہیں۔

ایپل کمپنی کے حوالے سے کام کرنے والی نیوز ویب سائٹ آئی ڈراپ نیوز نے دعویٰ کیا ہے کہ ایپل کے نئے فیلگ شپ اسمارٹ فون کی رُونمائی 13 ستمبر کو کی جائے گی۔

ایپل کی جانب سے اس خبر کی تصدیق یا تردید کرنا ابھی باقی ہے لیکن یہ تاریخ گزشتہ آئی فون لانچز کی تاریخوں سے مطابقت رکھتی ہے جو عموماً ستمبر کے وسط میں منگل کے دن کی گئیں ہیں۔

آئی ڈراپ نیوز نے اپنے ذرائع کا حوالہ دیتے ہوئے یہ دعویٰ کیا کہ ایپل نے 13 ستمبر کے لیے کچھ منصوبہ بنا رکھا ہے۔

آئی ڈراپ کے مطابق کمپنی نے اندرونِ خانہ سال کے 37 ویں ہفتے کے لیے کچھ منصوبہ بندی کر رکھی ہے۔

ذرائع کے مطابق ایپل کمپنی عموماً اپنی تقریباً منگل کے روز رکھتی ہے۔جس کا مطلب ہے 13 ستمبر 2022 کو کچھ ہوگا۔ اگرچہ اس بات کی ضمانت تو نہیں لی جاسکتی لیکن ایسا لگتا ہے کہ کچھ ہوگا۔

ایپل نے اپنے آئی فونز کی اکثر لانچز کمپنی کے ہیڈ کوارٹرز میں منعقد کیں ہیں لیکن کووڈ-19 کے دوران کمپنی کو اپنی تقریبات آن لائن کرنے کے لیے زور دیا گیا تھا۔

آئی ڈراپ نیوز کے مطابق فی الحال یہ بات واضح نہیں ہے کہ آیا اس سال کی تقریب ایپل آن لائن منعقد کرے گا یا فرداً کرے گا۔