گوگل کی نئی ٹیکنالوجی نے فوٹوگرافی کی دنیا بدل کر رکھ دی

ویب ڈیسک

26th Aug, 2022. 05:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گوگل کی نئی ٹیکنالوجی نے فوٹوگرافی کی دنیا بدل کر رکھ دی

گوگل نے ایک ٹیکنالوجی تیار کی ہے جو فوٹوگرافی کی دنیا کو بدل کر رکھ دے گی۔

گوگل نے ایک نئی اے آئی امیج نوائز ریڈکشن ٹیکنالوجی کو تیار کیا ہے جو لوگوں کو اندھیرے میں دیکھنے میں مدد فراہم کرے گی جبکہ اس سے انتہائی کم روشنی میں بہترین تصاویر لینا بھی ممکن ہو جائے گا۔

گوگل کی نئی تحقیق میں اس ٹیکنالوجی کے بارے میں بتایا گیا یہ کسی تاریک مقام کو طاقتور ڈی نوائزنگ سے فوٹو گرافی کے قابل بنا دے گا، اس ٹیکنالوجی کو RawNeRF کا نام دیا گیا ہے۔

تحقیق میں کہا گیا کہ یہ ٹیکنالوجی کم روشنی میں لی جانے والی تصاویر میں زیادہ تفصیلات کا اضافہ کر دیتی ہے، محققین کا کہنا ہے کہ نورل ریڈینس فیلڈز ایک ایسی تیکنیک ہے جو اندھیرے میں لی جانے والی تصاویر کا معیار بہتر بناتی ہے۔

یہ ٹیکنالوجی کسی منظر میں کیمرا پوزیشن، ایکسپوزر اور ٹون میپنگ کو استعمال کر کے تصاویر کا معیار بہتر بناتی ہے، درحقیقت صرف موم بتی کی روشنی میں بھی ایسی تصاویر لینا ممکن ہے جیسے انہیں بہت زیادہ روشنی میں لیا گیا ہو۔

تاہم یہ ٹیکنالوجی تحقیقی مرحلے سے گزر رہی ہے اور مستقبل میں کسی وقت اسے عام استعمال کے لیے متعارف کرائے جانے کا امکان ہے۔