فائیو جی ٹیکنالوجی آغاز کے ساتھ ہی تنازعے کا شکار ہوگئی

ویب ڈیسک

19th Oct, 2022. 03:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فائیو جی ٹیکنالوجی آغاز کے ساتھ ہی تنازعے کا شکار ہوگئی

بھارت میں فائیو جی ٹیکنالوجی آغاز کے ساتھ ہی تنازعے کا شکار ہوگئی ہے۔

بھارتی میڈیا کے مطابق بھارت کی کمپنیوں ریلائنس جیو اور ائیر ٹیل کی مشترکہ کوششوں کے باعث احمد آباد، بنگلور، چنئی، دہلی، جام نگر، ممبئی، پونے سمیت کئی شہروں میں فائیو جی ٹیکنالوجی کو متعارف کرایا گیا ہے تاہم حیران کن طور پر اب تک 0.5 فیصد صارفین اس پر منتقل ہوئے ہیں۔

اس نئی ٹیکنالوجی پر منتقل ہونے والے بھارتی صارفین کا موقف ہے کہ ہم اس کی اضافی قیمت ادا نہیں کرینگے۔

لیکن اگر کال ڈراپ، کنیکٹ، نیٹ ورک کی دستیابی اور کم رفتار جیسے مسائل فوری حل کیے جائیں تو ہم نئی ٹیکنالوجی پر موجودہ قیمت سے زائد رقم ادا کرنے کو تیار ہیں۔

دوسری جانب بھارتی ٹیلی کام کمپنیوں نے موبائل فون کمپنیوں سے ملاقات کی ہے جس کے بعد سام سنگ کمپنی نے اعلان کیا کہ وہ اپنے مشترکہ پارٹنر کے ساتھ مل کر کام کرنے کو تیار ہیں۔

سام سنگ کمپنی نومبر میں اپنی تمام فائیو جی ڈیوائسز پر اپڈیٹ کرانے کے لیے پُرعزم ہے اور ایپل بھی دسمبر میں آئی فون صارفین کے لیے فائیو جی کی فراہمی شروع کردے گی۔