دنیا کے امیر ترین شخص  اور ٹوئیٹر کے نئے مالک  ایلون مسک کی ایک ٹوئیٹ نے صارفین  میں کھلبلی مچادی۔

ایلون مسک نے چند گھنٹوں قبل میم کے طور پر استعمال ہونے والی قبر کی  ایک تصویر ٹوئیٹ کی ہے جس کے کتبے پر ’ ٹوئیٹر کی چڑیا‘  بنی ہوئی ہے جبکہ ساتھ بیٹھا شخص وکٹری کا نشان بناکے تصویر کھنچوا رہا اور اس کی شکل پہ بھی ٹوئیٹر کی چڑیا بنی ہے۔

pic.twitter.com/rbwbsLA1ZG

— Elon Musk (@elonmusk) November 18, 2022

اس ٹوئیٹ کے بعد سے ٹوئیٹر پر ’آر آئی پی ٹوئیٹر‘ اور ’گڈ بائے ٹوئیٹر‘ کے ٹرینڈز میں تیزی سے اضافہ ہورہا ہے۔

ٹوئیٹر صارفین کشمکش میں مبتلا ہوکر سوال کر رہے ہیں کہ  کیا واقعی ٹوئیٹر بند ہونے جا رہا ہے۔

بعض صارفین کا کہنا ہے کہ ایلون مسک نے 44 ارب ڈالرز میں  ٹوئیٹر اس لیے خریدا تھا کہ اسے بند کر دے۔

بہت سے صارفین نے اپنی انسٹا اور فیس بک آئی ڈیز کے لنک شیئر کرنا شروع کردیے ہیں کہ اگر ٹوئیٹر بند ہوجائے تو ان سے اس آئی ڈی پر رابطہ کیا جائے۔

اس معاملے پر پاکستان کے سابق وفاقی وزیر سائنس وٹیکنالوجی فواد چوہدری نے اپنی ٹوئیٹ  میں ایلون مسک کو مخاطب کرکے کہا کہ ’ہم ٹوئیٹر کے بغیر دنیا کا تصور بھی نہیں کر سکتے اس لیے مسئلے کو حل کریں ۔

https://twitter.com/fawadchaudhry/status/1593497663093219328?cxt=HHwWgICx8dHrnp0sAAAA

          واضح رہے کہ الیکٹرک گاڑیاں بنانے کے لیے مشہور کمپنی ٹیسلا  اور خلائی مشن اسپیس ایکس کے مالک ایلون مسک نے حال ہی  44 ارب ڈالر میں ٹوئیٹر خریدا ہے۔