گوگل کروم نے صارفین کیلئے نیا فیچر متعارف کرادیا

ویب ڈیسک

02nd Nov, 2022. 05:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گوگل کروم نے صارفین کیلئے نیا فیچر متعارف کرادیا

گوگل کروم نے صارفین کیلئے نیا فیچر متعارف کرایا ہے جسے سائیڈ بار کا نام دیا گیا ہے۔

گوگل کی جانب سے ایک بلاگ پوسٹ میں اس نئے فیچر کے بارے میں بتایا گیا جو ویب سرچ کے عمل کو زیادہ تیزرفتار اور آسان بنادے گا۔

اس فیچر سے کچھ سرچ کرنے کے دوران کسی ویب سائٹ پر جاکر دوبارہ واپس سرچ رزلٹس پر جانے کی ضرورت نہیں ہوگی۔

اس مقصد کے لیے جب آپ کسی چیز کو سرچ کرنے کے بعد کسی ویب پیج کو اوپن کریں گے تو ایڈریس بار پر چھوٹا سا گوگل لوگو نظر آئے گا۔

اس پر کلک کرنے پر دائیں جانب ایک سائیڈ بار اوپن ہوجائے گی جس میں وہ سرچ رزلٹس موجود ہوں گے جہاں سے آپ اس سائٹ پر گئے ہوں گے۔

درحقیقت اس فیچر سے آپ کچھ نیا بھی سرچ کرسکتے ہیں اور وہاں کسی سرچ رزلٹ پر کلک کرنے پر پرانی سائٹ کی جگہ وہ ویب پیج اوپن ہوجائے گا۔

یہ فیچر اب تمام صارفین کو دستیاب ہے البتہ انکوگنیٹو موڈ پر اسے استعمال کرنا ممکن نہیں ہوگا۔

واضح رہے کہ یہ فیچر گوگل کروم کے موبائل ورژن میں تو دستیاب تھا مگر اب ڈیسک ٹاپ صارفین کے لیے اسے متعارف کرایا گیا ہے۔