زیادہ تر لوگوں کو ڈاکٹروں کے لکھے ہوئے الفاظ  سمجھ نہیں آتے، جس کے بعد گوگل نے ایک ایسے فیچر پر کام شروع کردیا ہے جو اس مسئلے کو حل کردے گا۔

گوگل نے اے آئی ٹیکنالوجی پر مبنی ایک ایسے فیچر پر کام شروع کیا ہے جو پڑھنے میں مشکل تحریر کی آسان وضاحت کرے گا۔

اس فیچر کا اعلان بھارت میں سالانہ کانفرنس کے دوران کیا گیا جس کے لیے گوگل لینس میں ایک نئے ٹول کا اضافہ کیا جائے گا جو ڈاکٹروں کی تحریر کا مطلب سمجھائے گا۔

ایونٹ کے دوران گوگل نے اس فیچر کی آزمائش بھی کی جس سے اندازہ ہوا کہ وہ ڈاکٹروں کے تحریر کردہ نسخوں کو سمجھنے کی صلاحیت رکھتا ہے۔

گوگل لینس ایپ کو ابھی بھی آن لائن تحریروں کو کاپی پیسٹ کے لیے استعمال کیا جاتا ہے۔

ابھی تک کمپنی نے یہ نہیں بتایا کہ اس فیچر کو کب تک صارفین کے لیے متعارف کروایا جائے گا۔

گوگل کے مطابق ابھی بھی اس حوالے سے کافی کام ہونا باقی ہے اور اس کے بعد یہ سسٹم حقیقی دنیا کے لیے تیار ہوگا۔

یاد رہے کہ گوگل لینس اے آئی ٹیکنالوجی سے لیس ایسا ٹول ہے جو اشیا (مصنوعات، پودوں یا جانوروں) کو شناخت اور زبانوں کے ترجمے کے لیے استعمال کیا جاتا ہے۔