واٹس ایپ نے صارفین کی ایک اور بڑی مشکل آسان کر دی ہے۔

کیا آپ جانتے ہیں کہ واٹس ایپ اوپن یا ٹائپ کیے بغیر بھی میسج بھیجنا ممکن ہے؟ جی ہاں واقعی ایسا ممکن ہے بس آپ کو گوگل اسسٹنٹ سے مدد لینا ہوگی اور اپنا میسج بولنا ہوگا۔

اس کے لیے پہلے تو فون میں گوگل اسسٹنٹ کو انسٹال کرنا ضروری ہے جو کہ عموماً اینڈرائیڈ فونز میں پہلے سے انسٹال ہوتا ہے۔

اس کے بعد آپ کو اپنی آواز گوگل اسسٹنٹ پر رجسٹر کرنا ہوگی تاکہ وہ کسی اور کی آواز کو لے کر میسج نہ بھیج دے۔

یہ بھی پڑھیں؛ ڈیلیٹ ہونے والا میسج اب واپس آسکے گا؛ واٹس ایپ نے مطالبہ پورا کردیا

اس مقصد کے لیے گوگل اسسٹنٹ کی سیٹنگز میں جاکر اپنی ماڈل وائس کو سیو کرلیں۔

ایک اور چیز لاک اسکرین موڈ کے لیے گوگل اسسٹنٹ کو ان ایبل کرنا ہے جس کے بعد تو فون ان لاک کیے بغیر بھی اس فیچر کو استعمال کرنا ممکن ہوجائے گا۔

واٹس ایپ پر گوگل اسسٹنٹ کے ذریعے میسج کیسے بھیجیں؟

اس مقصد کے لیے اینڈرائیڈ فون کے ہوم بٹن کو کچھ دیر تک دبا کر رکھیں یا بس Hey Google کہیں، جس سے فون میں یہ ڈیجیٹل اسسٹنٹ متحرک ہوجائے گا۔

پھر سینڈ اے واٹس ایپ میسج ٹو (کانٹیکٹ کا نام) کہیں۔

اس کے بعد گوگل اسسٹنٹ کی جانب سے میسج کے بارے کہا جائے تو اپنے میسج کو ریکارڈ کرادیں، مگر بولنے کے دوران زیادہ دیر تک چپ رہنے سے گریز کریں۔

یہ بھی پڑھیں؛ واٹس ایپ صارفین کی بڑی مشکل آسان؛ کمپنی کا انتہائی اہم اعلان

جب میسج مکمل ہوجائے گا تو گوگل اسسٹنٹ اسے سینڈ کردے گا اور کنفرمیشن اسکرین نظر آئے گی۔

خیال رہے کہ اس طریقہ کار کے لیے انگلش زبان کا استعمال بہتر ہوتا ہے ورنہ دوسری زبان میں بولنے سے پیغام کی املا غلط ہوسکتی ہے۔