سال 2023 کے آغاز میں واٹس ایپ نے دنیا بھر کے تمام صارفین کے لیے پراکسی سپورٹ متعارف کرا دی ہے۔

کمپنی کی جانب سے اس کا اعلان 5 جنوری کی شب کیا گیا تھا اور اس کا مقصد صارفین کو ہر اس جگہ واٹس ایپ تک رسائی فراہم کرنا ہے جہاں ایپ کو بلاک کیا گیا ہو یا انٹرنیٹ سروس کسی وجہ سے متاثر ہو۔

اس فیچر کو استعمال کرنے کیلئے واٹس ایپ سیٹنگز میں جائیں وہاں آپ کے سامنے یوز پراکسی کا آپشن آجائے گا جو بائی ڈیفالٹ ٹرن آف ہوگا، جسے کلک کرکے ٹرن آن کردیں، جس کے بعد پراکسی ایڈریس کا اندراج کرکے سیو کرنا ہوگا۔

مزید پڑھیں: واٹس ایپ نے صارفین کی ایک اور بڑی مشکل آسان کر دی

اگر کنکشن سے منسلک ہونے میں کامیابی ہوئی تو گرین چیک مارک شو ہونے لگے گا۔

کمپنی کے مطابق اگر پراکسی استعمال کرنے پر واٹس ایپ میسجز ارسال نہ ہورہے ہوں تو اس کا مطلب ہے کہ وہ پراکسی بلاک ہے۔ایسا ہونے پر بلاک پراکسی ایڈریس کو کچھ دیر تک دبا کر ڈیلیٹ کریں اور پھر نئے پراکسی ایڈریس کو انٹر کریں۔

 کمپنی کے مطابق میسجز پراکسی سرورز، واٹس ایپ یا میٹا سرورز میں کسی کو نظر نہیں آسکیں گے۔

اس کے علاوہ واٹس ایپ نے ایک بلاگ پوسٹ میں بتایا کہ’ 2023 کے حوالے سے ہماری خواہش ہے کہ کسی بھی جگہ انٹرنیٹ کبھی بند نہ ہو‘۔

مزید پڑھیں: واٹس ایپ نے خاموشی سے اب تک کا بہترین فیچر پیش کردیا

 کمپنی کا کہنا تھا کہ ’ہمیں توقع ہے کہ اس طرح کے حالات میں ہمارا نیا فیچر لوگوں کو محفوظ اور قابل اعتبار رابطے کرنے میں مدد فراہم کرسکے گا‘۔