سوشل میڈیا کے اس جدید دور میں فیس بک کو عوامی سطح پر سب سے زیادہ پزیرائی حاصل ہے۔

  فیس بک کا ہر صارف چاہتا ہے کہ اس کے اکاؤنٹ کی تصدیق ہو اور اس کے نام کے آگے بلیو ٹک لگا دیا جائے۔

اگر آپ بھی ایسا چاہتے ہیں تو آج ہم آپ کو آسان طریقہ بتائیں گے جس سے آپ باآسانی اپنے اکاؤنٹ کی تصدیق کروا سکیں گے۔

فیس بُک پیج کو ویری فائی کرانے کے لئے ضروری ہے کہ اس کے لئے چند رہنما اصولوں کو مد نظر رکھا جائے۔

مزید پڑھیں: نوجوان کو فیس بک پر لنک کو کلک کرنا مہنگا پڑگیا؛ اکاؤنٹ سے لاکھوں روپے غائب

اصلی تصویر

اگر آپ اپنے فیس بک پیج کو ویری فائی کروانا چاہتے ہیں تو ڈی پی پر اپنی اصل تصویر لگائیں جو اچھی کوالٹی کی ہو اور جس میں آپ کا چہرہ صاف نظر آ رہا ہو۔

 فیس بک پروفائل

اگر آپ نے اپنے فیس بک پروفائل میں فرینڈز کو فرینڈز سیٹ کر رکھا ہے تو آپ کو اسے ہٹا کر پبلک کرنا ہو گا کیونکہ پروفائل فرینڈ سیٹ کر کے صرف آپ کے دوست ہی آپ کی پوسٹ دیکھ سکتے ہیں۔ لیکن پبلک آپشن کو منتخب کرنے کے بعد ہر کوئی ان پوسٹس کو دیکھ سکے گا، لائک اور شیئر کر سکے گا۔

درست معلومات

فیس بک پروفائل میں اپنی درست معلومات لکھیں جو آپ کے تمام سرکاری دستاویزات میں درج ہیں، اگر آپ نے کسی دوسرے نام یا گھر کے پتے سے اکاؤنٹ بنایا ہوا ہے تو اس کو ٹھیک کریں۔

دیگر سوشل میڈیا پلیٹ فارمز کا اندراج

اگر آپ دوسرے سوشل میڈیا پلیٹ فارم جیسے ٹوئٹر، انسٹاگرام اور ٹیلی گرام وغیرہ استعمال کرتے ہیں، تو آپ ان کا لنک بھی پیج پر ضرور شامل کریں۔

مزید پڑھیں: پاکستانیوں کے لئے فیس بک سے متعلق بڑی خوشخبری

غیر مہذبانہ پوسٹس

اگر آپ کے کسی دوست نے آپ کو غیر مہذبانہ پوسٹ میں ٹیگ کیا ہے اور وہ آپ کی ٹائم لائن پر نظر آ رہی ہے تو اسے اپنی ٹائم لائن سے ریموو کر دیں۔