پراسرار گیند نے جاپانی عوام کو پریشان کردیا

ویب ڈیسک

23rd Feb, 2023. 06:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پراسرار گیند نے جاپانی عوام کو پریشان کردیا

پراسرار گیند نے جاپانی عوام کو پریشان کردیا ہے۔

حال ہی میں جاپان کے شہر ہاماماتسو کے ساحل پر سمندر سے بہہ کر آنے والی بڑی اور پراسرار دھاتی گیند نے وہاں کے رہائشیوں اور پولیس کو الجھن میں ڈال دیا۔

اس گیند کو سب سے پہلے ایک خاتون نے ساحل پر چہل قدمی کے دوران دیکھا اور پھر رپورٹ کیا، اس کے بعد پولیس نے علاقے کو خالی کرایا اور پھر ماہرین کے ساتھ اس گیند کا معائنہ کیا۔

پولیس حکام کا کہنا ہے کہ یہ گیند ممکنہ طور پر لوہے سے بنی ہوئی ہے اور اس پر زنگ بھی لگا ہوا ہے، اس گیند کا قطر 1.5 میٹر ہے۔

یہ وہ پراسرار گیند ہے / اسکرین شاٹ

پہلے تو یہ خدشہ ظاہر کیا گیا کہ یہ ایک بارودی سرنگ ہے مگر ایکسرے ٹیکنالوجی سے ثابت ہوا کہ اس میں بارودی مواد موجود نہیں۔

حکام نے تسلیم کیا ہے کہ انہیں کوئی اندازہ نہیں کہ یہ کیا چیز ہے، بس یہ واضح ہے کہ اس سے دھماکے کا کوئی خطرہ نہیں۔

دوسری جانب مقامی لوگوں کے اس گیند سے متعلق مختلف خیالات ہیں، کچھ کا ماننا ہے کہ یہ ایک اڑن طشتری ہے جو آسمان سے نیچے گری ہے جبکہ کچھ کا ماننا ہے کہ یہ چین کا ایک جاسوس غبارہ ہے۔