چینی اسمارٹ موبائل بنانے والی کمپنی ’رئیل‘ میں نے 2023 کا اب تک کا پہلا سستا فون متعارف کرادیا جس کی قیمت آپکو حیران کردے گی۔

رئیل می سی 33 کو کمپنی نے 5۔6 انچ اسکرین کے ساتھ مختلف رنگوں میں پیش کیا ہے جبکہ فون کو ڈوئل بیک کیمرا اور جدید لینس سے لیس سیلفی کیمرا کے ساتھ پیش کیا گیا ہے۔

اس میں جدید دور کے مطابق کم میگا پکسل یعنی 5 میگا پکسل کا سیلفی کیمرا بھی دیا گیا ہے۔

رئیل می سی 33 کے بیک پر دو کیمرے دیے گئے ہیں جس میں سے مین کیمرا 50 میگا پکسل جبکہ دوسرا 3 میگا پکسل کا ہے اور ان میں جدید لینس اور ٹیکنالوجی کا استعمال بھی کیا گیا ہے۔

یہ بھی پڑھیں: چینی کمپنی نے سام سنگ کی ٹکر کا موبائل فون فروخت کیلئے پیش کردیا؛ قیمت جانیں

فون میں فنگر پرنٹ سینسر سمیت دیگر سیکیورٹی فیچرز بھی دیے گئے ہیں جب کہ اسے اینڈرائیڈ 12 کے آپریٹنگ سسٹم کے ساتھ پیش کیا گیا ہے۔

فون میں 5 ہزار ایم اے ایچ کی طاقتور بیٹری دی گئی ہے تاہم اس میں 10 واٹ کا چارجر دیا گیا ہے لیکن کمپنی کا دعویٰ ہے کہ چارجر کی ٹیکنالوجی کو اپگریڈ کرکے اسے فاسٹ بنا دیا گیا ہے۔

فون کو 4 جی بی ریم جبکہ 64 اور 112 جی بیی میموریز کے ساتھ مختلف ماڈیولز میں پیش کیا گیا ہے۔

فون کی قیمت ماڈیولز کے حساب سے مختلف رکھی گئی ہے اور اس کی ابتدائی قیمت 30 ہزار روپے جبکہ زیادہ سے زیادہ قیمت 35 ہزار روپے رکھی گئی ہے۔

یہ بھی پڑھیں: چینی کمپنی نے زبردست فیچرز کے ساتھ سستے فون پیش کردیئے