اے سی ہماری زندگی کی بنیادی ضرورت ہے کیونکہ گرمی کا جن بے قابو ہے اور کراچی والوں کے لئے تو بہت مشکل امتحان ہے۔

لیکن کیا آپ جانتے ہیں کہ انورٹر اے سی سے بجلی کی بچت ہوتی ہے؟ جی ہاں، متعدد کمپنیاں انورٹر اے سی اس دعوے کے ساتھ فروخت کر رہی ہیں کہ اس سے بجلی کے بلوں کو عام اے سی کے مقابلے میں نمایاں حد تک کم رکھنا ممکن ہے۔

اس کو سمجھنے کے لیے یہ ضروری ہے کہ پہلے یہ جان لیں کہ اے سی کام کیسے کرتے ہیں۔

ائیر کنڈیشنر کیسے کام کرتے ہیں؟

اے سی کمرے کے اندر کی گرم ہوا کو باہر خارج کر کے باہر کی ٹھنڈی ہوا کو کمرے میں پھینکتے ہیں۔

اس مقصد کے لیے اے سی ہوا کی نمی میں موجود ٹھنڈک کو گیس میں تبدیل کرتے ہیں۔

سیال کو گیس میں تبدیل کرنے کے عمل کو فیز کنورزیشن کہا جاتا ہے، اس مقصد کے لیے اے سی میں متعدد خصوصی کیمیکلز استعمال کیے جاتے ہیں۔

یہ بھی پڑھیں: اے سی کی صفائی گھر میں کیسے کریں؟ جانیں آسان طریقہ

اس پورے عمل کے لیے اے سی میں 2 یونٹ ہوتے ہیں، انٹرنل اور ایکسٹرنل یونٹ۔

انٹرنل یونٹ میں پنکھا اور کولینٹ ہوتا ہے جبکہ ایکسٹرنل یونٹ کمپریسر پر مبنی ہوتا ہے جو ہوا کو کمپریس کرتا ہے۔

انورٹر ٹیکنالوجی تیار کیوں کی گئی؟

جب ایک کمرے کو مسلسل ٹھنڈا رکھنے کے لیے کسی مخصوص درجہ حرارت کو مستحکم رکھنا ہوتا ہے تو عام اے سی کے دونوں یونٹس پر دباؤ بڑھتا ہے، کیونکہ کمپریسر کو بار بار آن یا آف ہونے کی ضرورت ہوتی ہے۔

جب کمرے کا درجہ حرارت پھر بڑھتا ہے تو کمپریسر دوبارہ کام کرنے لگتا ہے۔

یہ بھی پڑھیں: اے سی چلانے والوں کی وہ غلطی جس سے بجلی کے بل میں ہزاروں روپے کا اضافہ ہو جاتا ہے

یہ پورا عمل بہت زیادہ بجلی کھینچتا ہے جبکہ انورٹر ٹیکنالوجی کے ذریعے اس کا ایک آسان حل پیش کیا ہے۔

یہ ٹیکنالوجی کمپریسر کو ہر وقت آن رکھتی ہے مگر توانائی اسی وقت خرچ کرتی ہے جب ضرورت ہوتی ہے۔

تو کیا اس سے بجلی کی بچت ہوتی ہے؟

یہ حقیقت ہے کہ انورٹر ٹیکنالوجی پر مبنی اے سی کسی عام ائیر کنڈیشنر کے مقابلے میں بجلی کے بل میں 50 فیصد تک بچت کر سکتا ہے۔

انورٹر ٹیکنالوجی کولنگ کے عمل کی بجائے کمپریسر پر زیادہ کنٹرول فراہم کرتی ہے۔

اس ٹیکنالوجی سے لیس اے سی کا کمپریسر ہمیشہ کام کرتا رہتا ہے۔

یہ بھی پڑھیں: اے سی کا پانی پودوں میں ڈالنے سے کیا ہوتا ہے؟ حیران کُن فائدے

انورٹر اے سی کا کمپریسر ہمیشہ کام کرتا ہے اور رفتار کو مسلسل ایڈجسٹ کرتا ہے جس کے باعث درجہ حرارت اپنی جگہ مستحکم رہتا ہے یعنی ایک بار کمرہ ٹھنڈا ہو جائے تو پھر ٹھنڈا ہی رہتا ہے۔

واضح رہے کہ انورٹر اے سی مہنگے ہوتے ہیں مگر طویل المعیاد بنیادوں پر وہ بجلی کی بچت کرتے ہیں۔