معروف سرچ انجن گوگل کروم کا ایک خفیہ فیچر سامنے آ گیا ہے۔

گوگل کروم میں ایک ایسا فیچر موجود ہے جو آپ کو یوٹیوب یا کسی بھی سروس کی ویڈیوز پکچر ان پکچر موڈ میں دیکھنے کی سہولت فراہم کرتا ہے۔

جی ہاں، بیشتر افراد جب انٹرنیٹ پر کچھ اور کام کر رہے ہوتے ہیں تو ان کے لیے یوٹیوب یا کسی بھی سروس کی ویڈیو دیکھنا مشکل ہوتا ہے۔

پکچر ان پکچر موڈ یوٹیوب میں تو کافی عرصے سے دستیاب ہے جس کے لیے یوٹیوب پر کسی ویڈیو کو اوپن کر کے اس کے ڈسپلے پر ماؤس کرسر کو رکھ کر 2 بار رائٹ کلک کریں تو کروم مینیو میں پکچر ان پکچر موڈ بھی نظر آتا ہے۔

مگر یہ طریقہ کار ہر ویب سائٹ پر کام نہیں کرتا مگر اس کا حل بھی کروم براؤزر کے اندر چھُپا ہے۔

یہ بھی پڑھیں: گوگل پر درست سرچ نتائج کے لیے مددگار آسان ٹپس

یہ فیچر کافی عرصے سے صارفین کو دستیاب ہے جو یو آر ایل ٹیب کے برابر میں میوزک آئیکون کی شکل میں نظر آتا ہے۔

گلوبل میڈیا کنٹرول نامی یہ فیچر براؤزر کی کسی ٹیب پر چلنے والی ویڈیو کے میوزک کنٹرول کا کام کرتا ہے مگر اس کے ساتھ ساتھ یہ پکچر ان پکچر موڈ کے استعمال کی سہولت بھی فراہم کرتا ہے۔

جیسے فیس بک پر کوئی ویڈیو اوپن کر کے گلوبل میڈیا کنٹرول کے آئیکون پر کلک کریں اور اس پر موجود پکچر ان پکچر آپشن پر کلک کردیں اور بس۔

یہ بھی پڑھیں: گوگل صارفین کے لئے بڑی خوشخبری؛ کمپنی کا اہم اعلان

اس آئیکون پر کلک کرنے پر ویڈیو ایک چھوٹی ونڈو میں اسکرین کے کونے پر چلنے لگتی ہے جسے آپ ماؤس کی مدد سے کھینچ کر بڑا کرسکتے ہیں۔

اس فیچر کو استعمال کرنے کے بعد ضروری نہیں کہ آپ گوگل کروم کو اوپن ہی رکھیں بلکہ اسے minimze کرنے پر بھی وہ ویڈیو چلتی رہے گی۔