فیس بک میں 2023 کی سب سے بڑی تبدیلی متعارف کرانے کا اعلان

ویب ڈیسک

09th Mar, 2023. 02:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیس بک میں 2023 کی سب سے بڑی تبدیلی متعارف کرانے کا اعلان

سماجی رابطے کی ویب سائٹ فیس بک میں 2023 کی سب سے بڑی تبدیلی متعارف کرانے کا اعلان کردیا گیا ہے۔

تفصیلات کے مطابق فیس بک کے انتظامی سربراہ ٹام ایلیسن کی جانب سے ایک بلاگ پوسٹ میں بتایا گیا کہ ہم فیس بک ایپ کے اندر میسنجر تک رسائی کے فیچر کی آزمائش کر رہے ہیں اور بہت جلد آپ کو بھی اس ٹیسٹ کا حصہ بنایا جائے گا۔

یہاں یہ بات واضح رہے کہ فیس بک دنیا کی پہلی سوشل میڈیا ایپ تھی جس میں ایپ کے اندر چیٹ آپشن کو ختم کیا گیا تھا۔

یہ بھی پڑھیں: فیس بک، انسٹا سے فحش تصاویر اور ویڈیوز ہٹانے والا ٹول متعارف

جبکہ اب کمپنی کا کہنا ہے کہ ہمارا مقصد میسنجر کو بہترین موبائل میسجنگ ایپ بنانا ہے۔

ٹام ایلیسن نے کہا کہ میٹا کی جانب سے فیس بک کو شیئرنگ اور چیٹ کے لیے بہترین مقام بنانے کی کوشش کی جا رہی ہے تاکہ لوگ فیس بک کے اندر ہی میسجنگ کے ذریعے مواد شیئر کر سکیں اور انہیں کسی اور ایپ کو اوپن کرنے کی ضرورت نہ ہو۔

خیال رہے کہ کمپنی کی جانب سے یہ نہیں بتایا گیا کہ تمام صارفین کے لیے اس تبدیلی کو کب تک متعارف کرایا جائے گا۔

یہ بھی پڑھیں: فیس بک صارفین کیلئے بڑی خوشخبری؛ کئی نئے فیچرز کا اضافہ