مائیکرو سافٹ کے شریک بانی بل گیٹس نے اے آئی ٹیکنالوجی کے حوالے سے نئی پیشگوئی کر دی ہے۔

تفصیلات کے مطابق گزشتہ دنوں ایک بلاگ پوسٹ میں مائیکرو سافٹ کے شریک بانی بل گیٹس نے کہا کہ اے آئی ٹیکنالوجی سے مختلف مسائل جیسے ڈیپ فیک تصاویر یا ویڈیوز، اسکولوں میں نقل اور متعصب الگورتھمز ضرور ابھرے ہیں، مگر ان کی روک تھام ممکن ہے۔

انہوں نے کہا کہ اب تک اے آئی ٹیکنالوجی کے خطرات کے بارے میں کافی کچھ لکھا گیا ہے، مگر کسی کے پاس تمام جوابات نہیں۔

بل گیٹس نے کہا کہ ایک چیز میری نظر میں واضح ہے کہ اے آئی کا مستقبل اتنا برا نہیں جتنا کچھ لوگوں کا خیال ہے اور نہ ہی اتنا بہترین ہے جیسا کچھ لوگوں کو لگتا ہے۔

مائیکرو سافٹ کے شریک بانی نے کہا کہ ماضی میں بھی انسانی معاشروں نے نمایاں تبدیلیوں سے مطابقت پیدا کی تھی اور ایسا ہی اے آئی ٹیکنالوجی کے ساتھ بھی ہوگا۔

انہوں نے کہا کہ اس ٹیکنالوجی کے حوالے سے ایسے ضوابط کی ضرورت ہے جیسے گاڑیوں کی رفتار محدود اور سیٹ بیلٹس کے استعمال کے لیے نافذ کیے گئے۔

بل گیٹس نے کہا کہ جب گاڑیاں سڑکوں پر آئیں تو پہلا حادثہ ہوا، مگر ہم نے گاڑیوں پر پابندی نہیں لگائی، بلکہ رفتار محدود کی، تحفظ کے معیار طے کیے، لائسنس کی شرط عائد کی اور دیگر قوانین کا نفاذ کیا۔

مائیکرو سافٹ کے شریک بانی نے کہا کہ لوگ ڈیپ فیک مواد کو وقت کے ساتھ بہتر شناخت کرنے لگے گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں