آئی فون صارفین کے لئے کمپنی نے انتہائی اہم اعلان کردیا ہے۔

تفصیلات کے مطابق ایپل کی جانب سے آئی او ایس 16 پر چلنے والے آئی فونز اور آئی پیڈزکے لیے سیکیورٹی اپ ڈیٹس جاری کی گئی ہیں تاکہ ایک بڑی سیکیورٹی کمزوری کو دور کیا جاسکے۔

اس کمزوری کے ذریعے ہیکرز آئی فون یا آئی پیڈ کا کنٹرول حاصل کر سکتے ہیں۔

زیرو کلک، زیرو ڈے یا بلاسٹ پاسٹ نامی اس سیکیورٹی خامی کے ذریعے ہیکرز Pegasus spyware کو متاثرہ ڈیوائس میں انسٹال کر سکتے ہیں جس سے انہیں ٹیکسٹ میسجز پڑھنے، فون کالز سننے، تصاویر دیکھنے، لوکیشن ٹریکنگ اور متعدد دیگر ڈیٹا تک رسائی حاصل ہو جاتی ہے۔

اس خامی کو سب سے پہلے Citizen Lab نامی ادارے نے دریافت کیا تھا جس کی جانب سے ایپل کو آگاہ کیا۔

امریکا سے تعلق رکھنے والے اس ادارے میں کام کرنے والے ایک فرد کے آئی فون میں Pegasus پروگرام انسٹال ہوگیا تھا۔

ادارے کے مطابق اس سیکیورٹی خامی کے ذریعے ہیکرز آئی او ایس 16.6 پر چلنے والی ڈیوائسز پر کنٹرول حاصل کر سکتے ہیں اور متاثرہ فرد کو اس کا علم بھی نہیں ہوتا۔

ادارے کی جانب سے آگاہ کیے جانے پر ایپل کی جانب سے آئی او ایس 16.6.1 کے نام سے اپ ڈیٹ جاری کی گئی ہے۔

Citizen Lab کے مطابق صارفین اپنی ایپل ڈیوائسز پر لاک ڈاؤن موڈ کو ان ایبل کرکے ہیکرز کے حملے کو بلاک کر سکتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں