مختصر دورانیے کی ویڈیو شیئرنگ ایپ ٹک ٹاک میں چند ایسے فیچرز موجود ہیں جن سے بیشتر صارفین ناواقف ہیں۔

طویل ویڈیوز کو تیزی سے دیکھنے کا طریقہ

کیا آپ کو معلوم ہے کہ طویل ٹک ٹاک ویڈیوز کو تیزی سے دیکھنے کا آسان طریقہ بھی ایپ میں چھپا ہوا ہے۔

آپ کسی ویڈیو کو معمول کی رفتار سے دوگنا تیزی سے دیکھ سکتے ہیں، بس اپنی انگلی کو فون کی اسکرین کے بائیں جانب دبا کر رکھیں۔

ویڈیو کی رفتار سست کریں

تیز کرنے کے ساتھ ساتھ آپ ویڈیوز کی رفتار کو سست بھی کر سکتے ہیں۔

اس کے لیے ایک انگلی کو اسکرین پر کسی بھی جگہ دبا کر رکھیں جس سے پوپ اپ مینیو سامنے آئے گا، جس کے اوپر پلے بیک اسپیڈ آپشنز موجود ہوں گے، جس سے آپ ویڈیو کو معمول سے 50 فیصد کم اسپیڈ سے بھی دیکھ سکتے ہیں۔

اسکرین سے آئیکونز ہٹائیں

اگر آپ ٹک ٹاک ویڈیو پر لائیکس، کمنٹس، فیورٹس اور دیگر بٹن دیکھنا پسند نہیں کرتے تو انہیں ہٹانا ممکن ہے۔

اسکرین کو دبا کر رکھنے پر ایک مینیو نظر آئے گا جس میں سے کلیئر موڈ کا انتخاب کریں، جس کے بعد ویڈیوز پر کوئی بٹن نظر نہیں آئے گا۔

پکچر ان پکچر موڈ

اگر آپ ٹک ٹاک ویڈیوز کو دیگر ایپس میں کام کرتے ہوئے دیکھنا چاہتے ہیں تو ایسا بھی ممکن ہے۔

ویڈیو پر اسکرین کو دبا کر رکھیں تو پوپ اپ مینیو نظر آئے گا جس میں سے پکچر ان پکچر موڈ کا انتخاب کیا جا سکتا ہے۔

اس کے بعد ٹک ٹاک سے باہر نکلنے پر بھی ویڈیو بیک گراؤنڈ میں اسکرین کے اوپر چلتی رہے گی، بلکہ خود بخود ویڈیوز بھی تبدیل ہوتی رہیں گی۔

آٹو اسکرول

اس فیچر سے ویڈیوز خود بخود بدلتی رہیں گے اور آپ کو اسکرین کو چھونے کی ضرورت نہیں ہوگی۔

کسی بھی ٹک ٹاک ویڈیو کو اوپن کر کے اسکرین کو دبا کر رکھنے کے بعد نظر آنے والے پوپ اپ مینیو میں سے آٹو اسکرول کے آپشن کا انتخاب کریں۔

اس کے بعد ٹک ٹاک ایپ خود ویڈیوز کو اسکرول کرتی رہے گی۔

واچ ہسٹری دیکھیں

ٹک ٹاک اوپن کرکے اوپر دائیں جانب تھری ڈاٹ مینیو پر کلک کریں اور وہاں پہلے سیٹنگز اینڈ پرائیویسی اور پھر ایکٹیویٹی سینٹر میں جائیں۔

وہاں آپ کو واچ ہسٹری کا آپشن نظر آئے گا جس میں یہ دیکھنا ممکن ہوگا کہ ماضی میں آپ کونسی ویڈیوز دیکھ چکے ہیں یا ان ویڈیوز کو دیکھنا بھی ممکن ہے جن پر کبھی کمنٹ کیا ہو۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں